ހުޅުމާލެ ފޭސް އެކެއްގައި ޕާކް ކޮށްފައި ކާރެއް ކައިރި ބިންމަތީގައި ލޭ ހުރެގެން ފުލުހުންނަށް ރިޕޯޓްކޮށްފިއެވެ.

ފުލުހުންގެ މީޑިއާ އޮފިޝަލް ވިދާޅުވީ، އެ ސަރަހައްދުން ލޭ ފެނިގެން ފުލުހުންނަށް ރިޕޯޓް ކުރުމުން އެކަން ބަލާފައިވާނެ ކަަމަށެވެ.

އެގޮތުން އެއީ ބާޒާރުކޮށްގެން ދިޔަ މީހަކު އެ ކާރުގައި ގެއަށް އައިސް، ކާރުން ފޭބި ވަގުތު، ކޮތަޅުގައި އޮތް ވަޅިއެއް ފައިގައި އެޅިގެން ފޭބި ލޭ ކަމަށް ފުލުހުން މިހާތަނަށް ބެލިބެލުމުން އެނގިފައިވާ ކަމަށް އޮފިޝަލް ވިދާޅުވިއެވެ.

އަދި އެ މީހާ ހޮސްޕިޓަލަށް ގޮސް ފައިގައި ބޭސް އަޅާފައިވާ ކަަމަށް އޮފިޝަލް ވިދާޅުވިއެވެ.