މަޝްހޫރު ކޮމީޑިއަން އަދި ޔޫޓިއުބަރ ލިލީ ސިންގ އަށް، އިންޑިއާގެ މަޝްހޫރު ލަވަކިޔުންތެރިޔާ ޝްރޭޔާ ގޯޝަލް އާ ބައްދަލުވުމުން ލިބުނު އުފާވެރިކަން ސޯޝަލް މީޑިއާގައި ހިއްސާކޮށްފިއެވެ.

ލޮސް އެންޖެލިސް ގައި ކުރިއަށްދިޔަ ޝްރޭޔާ ގޯޝަލްގެ ކޮންސެޓެއްގެ ތެރެއިން ލިލި އާއި ޝްރެޔާ ވަނީ ބައްދަލުވެފައެވެ. އަދި މި ބައްދަލުވުމަށްފަހު ލިލީ ވަނީ މިއީ އޭނާގެ ހަޔާތުގައި އައި ވަރަށް ޚާއްޞަ "ފޭން މޯމަންޓެއް" ކަމަށް ބުނެފައެވެ. އަދި އޭނާގެ އެންމެ ގަޔާވާ ލަވަކިޔުންތެރިޔާއާ ބައްދަލުވުމުން، "ކުޑައިރުގެ ލިލީ" މިކަމާ ވަރަށް ބޮޑަށް ފަޚުރުވެރިވާނެ ކަމަށްވެސް އޭނާ ވަނީ ލިޔެފައެވެ.

ޝްރޭޔާ ގޯޝަލްގެ ހިތްގައިމު އަޑަށް ދުނިޔޭގެ އެކި ކަންކޮޅުތަކުން ގިނަ ބައެއްގެ ލޯބި ލިބިފައިވާއިރު، ލިލީ ސިންގ ފަދަ ދުނިޔޭގެ ފެންވަރުގައި މަޝްހޫރު ތަރިންވެސް އޭނާގެ ހުނަރަށް ތައުރީފުކުރާކަން މިކަމުން ހާމަވެގެންދެއެވެ.

ލިލީގެ މި ޕޯސްޓް ގިނަ ބަޔަކު ދަނީ ސޯޝަލް މީޑިއާގައި ޝެއަރ ކުރަމުންނެވެ.