ބޮލީވުޑްގެ ކުރީގެ މަޝްހޫރު ތަރި ޖެކީ ޝްރޮފް ލީޑު ރޯލުން ފެނިގެންދާ އާ ފިލްމު "ކާލީ ޚޭތީ" އަންނަ އޮކްޓޯބަރ މަހުގެ 23 ވަނަ ދުވަހު ސިނަމާތަކުގައި އަޅުވާ ގޮތަށް ނިންމައި، ފިލްމުގެ ފުރަތަމަ ޕޯސްޓަރު ރަސްމީކޮށް އާންމުކޮށްފިއެވެ.

އާންމުކޮށްފައިވާ ޕޯސްޓަރުން ޖެކީ ޝްރޮފްގެ ވަރަށް ސީރިއަސް، ވަރުގަދަ އަދި ތަފާތު ލުކެއް ފެނިގެންދެއެވެ.

ޖެކީ ޝްރޮފްގެ ފަރާތުން ފަހަކަށް އައިސް ފެނިފައިނުވާ ފަދަ ވަރުގަދަ ރޯލެއް މި ފިލްމުން ފެނިގެންދާނެ ކަމަށް އުފެއްދުންތެރިން ވަނީ އިޝާރާތްކޮށްފައެވެ.

އޮކްޓޯބަރ 23 ގައި މި ފިލްމު ސިނަމާތަކަށް އަންނައިރު، ޖެކީ ޝްރޮފްގެ ފޭނުން ތިބީ އޭނާގެ މި ތަފާތު އެކްޓިންގ ބޮޑު ސްކްރީނުން ބަލާލަން ކެތްމަދުވެފައެވެ.