އެކްތާ ކަޕޫރުގެ ކާމިޔާބު ރިއަލިޓީ ޝޯ "ލޮކް އަޕް: ސަޗް ޔާ ސަޒާ" ގެ ދެވަނަ ސީޒަނެއް ގެނެސްދޭން ނިންމާފައިވާކަން ރަސްމީކޮށް އިއުލާންކޮށްފިއެވެ.

މި އާ ސީޒަންގައިވެސް ޝޯގެ ހޯސްޓުން ނުވަތަ 'ޖެއިލަރުން' ގެ ގޮތުގައި ފެނިގެންދާނީ ފަރާ ޚާން އާއި ރިތޭޝް ދޭޝްމުކް އެވެ.

މި ޝޯގެ ފުރަތަމަ ސީޒަނަށް ބެލުންތެރިންގެ ފަރާތުން ބޮޑު ތަރުހީބެއް ލިބިފައިވާއިރު، އާ ސީޒަން ވެގެންދާނީ ކުރިއަށްވުރެ ފޯރިގަދަ އަދި ޝައުގުވެރި ސީޒަނަކަށް ކަމަށް ބެލެވެއެވެ.

ނަމަވެސް ޝޯގެ ބައިވެރިން އަދި ޕްރިމިއަރ ކުރާނެ ތާރީޚެއް އަދި ހާމަކޮށްފައެއް ނުވެއެވެ.

މިއަހަރުގެ އޮގަސްޓު މަހު ނިމުނު "ލޮކް އަޕް: ސަޗް ޔާ ސަޒާ" ގެ ފުރަތަމަ ސީޒަން ކާމިޔާބުކުރީ ޝްރޭޔާ ކަލްރާ އެވެ. އަދި ރަނަރ-އަޕް އަކަށް ހޮވިފައިވަނީ ޝިވާންގީ ޖޯޝީ އެވެ.

ގިނަ ބައެއްގެ މެދުގައި މަގުބޫލުވި މި ޝޯގެ އާ ސީޒަންގެ ޚަބަރާއެކު، ބެލުންތެރިން ތިބީ އާ ބައިވެރިންނަކީ ކޮބައިކަން އެނގެން ކެތްމަދުވެފައެވެ.