ފެޝަން އަދި ލައިފްސްޓައިލްގެ ޚަބަރުތައް ގެނެސްދޭ މަޝްހޫރު މެގަޒިން 'ވޯގް' އިން ޝާއިޢުކޮށްފައިވާ އާޓިކަލެއްގައި، އިސްތަށިގަނޑަށް މިރަރ ޝައިން ފަދަ އޮފްކަމެއް ގެނެސް، ވަރުގަދަކޮށް ބެހެއްޓުމަށް ޗައިނާ މީހުން ބޯދޮންނަން ބޭނުންކުރާ ޚާއްޞަ 6 ގޮތެއް ހިމެނޭ ސަގާފީ ގޮތް (ޗައިނީޒް ހެޑް ސްޕާ ޓެކްނިކް) ތަޖުރިބާކޮށްލުމަށް ވަނީ ލަފާދީފައެވެ.

1. ޑްރައި ބްރަޝިންގ :

ބޯދޮވުމުގެ ކުރިން އިސްތަށިގަނޑު ހިކިކޮށް ހުއްޓާ މަޑު ބުރުހަކުން އިސްތަށިގަނޑުގައި ފުނާ އަޅާލާށެވެ. މީގެ ސަބަބުން ބޮލުގެ ނާށިގަނޑުގައި ހުންނަ މަރުވެފައިވާ ހަންތަކާއި ހަޑިތައް ފިލައި، ގޮށްޖެހިފައި ހުރުމުގެ ސަބަބުން އިސްތަށިގަޑު ހަލާކުވުމުން ސަލާމަތްވެއެވެ.

2. ތާފަނާ ފެން ބޭނުންކުރުން :

މާ ހޫނު ނޫން، ތާފަނާ ފެނުން ބޯ ދޮވެލާށެވެ. ތާފަނާ ފެން ބޭނުންކުރުމުން އިސްތަށިގަނޑު މާބޮޑަށް ހިކުމުން ސަލާމަތްކޮށްދީ، ބޮލުގައި ހުންނަ ތެޔޮކަން ފިލުވައިދޭން އެހީތެރިވެދެއެވެ.

3. ދެ ފަހަރަށް ޝޭމްޕޫލުން :

ޝޭމްޕޫ ލާއިރު އިނގިލިތަކުގެ ކުރިން ބޮލުގެ ނާށިގަނޑަށް މަސާޖުކުރުމަކީ ލޭ ދައުރުވުން ރަނގަޅުކޮށްދޭ ކަމެކެވެ. ފުރަތަމަ ފަހަރު ޝޭމްޕޫލުމުން ހަޑިތައް ފިލުވައިދޭއިރު، ދެވަނަ ފަހަރުން އިސްތަށިގަނޑު އެއްކޮށް ސާފުކޮށްދެއެވެ.

4. ޗައިނީޒް ހާރބަލް ޓްރީޓްމަންޓް:

އިނގުރު އެކުލެވޭ ޓޮނިކްއެއް އިސްތަށިގަނޑުގެ ބުޑުގައި އުނގުޅައި 2-3 މިނެޓު ވަންދެން މަސާޖުކުރާށެވެ. މިއީ އިސްތަށިގަނޑު ވަރުގަދަކޮށްދޭ ކަމެކެވެ. އަދި އާންމުކޮށް ބޭނުންކުރާ ކޮންޑިޝަނަރ އިސްތަށިގަނޑުގެ މެދުން ފެށިގެން ކުރިއަށް އުނގުޅާށެވެ.

5. ސްޓީމް ނުވަތަ ވޯޓާރފޯލް ޓްރީޓްމަންޓް:

އުނގުޅި ތަކެތި އިސްތަށިގަނޑަށް ރަނގަޅަށް ވެއްދުމަށްޓަކައި ސްޓީމް (ހޫނު އާވީގެ) ފަރުވާއެއް ދޭށެވެ. މީގެ ސަބަބުން އިސްތަށިގަނޑުގެ ބުޑަށް އުގުޅި ތަކެތި ފަސޭހައިން ވަދެ، އިސްތަށިގަނޑު މަޑުކޮށްދެއެވެ.

6. ފިނި ފެނުން ދޮވެލުން :

އެންމެ ފަހު ކަމަކަށް، ފިނި ފެނުން (ބޮލަށް އުނދަގޫ ނުވާނެ ވަރުގެ ފިނިމިނެއްގައި) ބޯ ދޮވެލާށެވެ. ފިނި ފެނުން ދޮވުމުން އިސްތަށިގަނޑުގެ ބޭރު ފަށަލަ ބަންދުވެ، އޮފްކަމެއް (މިރަރ ޝައިން) ލިބިގެންދެއެވެ.