ނެޓްބޯޅަ: ޖޫނިއަރ ޑިވިޝަންގެ ފައިނަލުން ސްޓާރސް އާއި ނެޓް ނިންޖާސް ޖާގަ ހޯދައިފި

މިހާރު ކުރިއަށްދާ މައިލޯ ރަމަޟާން ހާފްކޯޓް ނެޓްބޯޅަ ޗެލެންޖް 2026 ގެ ޖޫނިއަތ ޑިވިޝަންގެ ފައިނަލުން ސްޓާރސް އަދި ނެޓް ނިންޖާސް ޖާގަ ހޯދައިފިއެވެ.

މުބާރާތުގެ ޖޫނިއަރ ޑިވިޝަން ސެމީފައިނަލުގެ ފުރަތަމަ މެޗުގައި ޕަވާ ޕަފް އާއި ސްޓާރސް ވާދަކުރިއިރު، މެޗުގެ ފުރަތަމަ ހާފުގެ ކުޅުން ނިމިގެންދިޔައީ ވާދަވެރި ކުޅުމަކަށްފަހު 1-2 ގެ ނަތީޖާއަކުން ޕަވާ ޕްފް ކުރީގައި އޮވެގެންނެވެ. އަދި ދެވަނަ ހާފުގައި ސްޓާރސް އިން އިތުރު ތިން ޕޮއިންޓް ހޯދިއިރު، މިހާފުގައި ޕަވާ ޕަފްއަށް ހޯދިފައިވަނީ އެންމެ ޕޮއިންޓެކެވެ.. މިއާއެކު 4-3 ގެ ނަތީޖާއަކުން ސްޓާރސް މެޗު ކާމިޔާބުކުރިއިރު، މެޗުގެ މޮޅު ކުޅުންތެރިއަކަށް ހޮވުނީ އެޓީމުގެ އެލީނާ ހުސެއިން އެވެ.

ޖޫނިއަރ ޑިވިޝަން ސެމީފައިނަލުގެ ދެވަނަ މެޗުގައި ނެޓް ނިންޖާސް އާއި ނެޓް އެޓޭކާރސް ވާދަކުރިއިރު، މެޗުގެ ފުރަތަމަ ހާފުގެ ކުޅުން ނިމިގެންދިޔައީ 0-3 ގެ ނަތީޖާއަކުން ނެޓް ނިންޖާސް ކުރީގައި އޮވެގެންނެވެ. އަދި ދެވަނަ ހާފުގައި ނެޓް ނިންޖާސް އިން އިތުރު ތިން ޕޮއިންޓް ހޯދިއިރު. މިހާފުގައި ނެޓް އެޓޭކާރސްއަށް ހޯދިފައިވަނީ އެންމެ ޕޮއިންޓެވެ. މިއާއެކު 1-6 ގެ ނަތީޖާއަކުން ނެޓް ނިންޖާސް މެޗު ކާމިޔާބުކުރިއިރު، މެޗުގެ މޮޅު ކުޅުންތެރިއަކަށް ހޮވުނީ އެޓީމުގެ އާމިނަތު އީލާފް ސޮބާހް އެވެ.

23 ފެބުރުއަރީ 2025 އިން 05 މާރިޗު 2026 ނިޔަލަށް ކުރިއަށްދާ މިމުބާރާތުގެ ޖޫނިއަރ ކެޓަގެރީގައި މިއަހަރު ޖުމްލަ ހަތަރު ޓީމަކުން ވާދަކުރިއިރު، މި ޑިވިޝަންގެ މެޗުތައް ކުރިއަށް ގެންގޮސްފައިވަނީ ލީގު އުސޫލުން ކޮންމެ ޓީމެއް ކޮންމެ ޓީމަކާއި ދެމެޗު ކުޅުމަށްފަހު ބައިވެރި ހަތަރު ޓީމުގެ މެދުގައި ސެމީފައިނަލް ދެމެޗު ކުޅޭގޮތަށެވެ.