ނެޓްބޯޅަ: ސީިނިއަރ ޑިވިޝަންގެ ފައިނަލުން އެޓޭކާރސް އަދި ޝޫޓާރސް ޖާގަހޯދިއިރު، ތިންވަނަ ފައިޓާރސްއަށް

މިހާރު ކުރިއަށްދާ މައިލޯ ރަމަޟާން ހާފްކޯޓް ނެޓްބޯޅަ ޗެލެންޖް 2026 ގެ ސީނިއާ ޑިވިޝަންގެ ފައިނަލުން އެޓޭކާރސް އާއި ޝޫޓާރސް ޖާގަ ހޯދިއިރު، މުބާރާތުގެ ތިންވަނަ ފައިޓާރސް އިން ހޯދައިފިއެވެ.

މުބާރާތުގެ ސީނިއާ ޑިވިޝަން ސެމީފައިނަލުގެ ފުރަތަމަ މެޗުގައި ފައިޓާރސް އާއި ޝޫޓާރސް ވާދަކުރިއިރު، މެޗުގެ ފުރަތަމަ ހާފުގެ ކުޅުން ނިމިގެންދިޔައީ 3-3 ގެ ނަތީޖާއަކުން ދެޓީމު އެއްވަރުވެފައި އޮވެގެންނެވެ. އަދި ދެވަނަ ހާފުގައި ޝޫޓާރސް އިން އިތުރު ހަ ޕޮއިންޓް ހޯދިއިރު. މިހާފުގައި ފައިޓާރސްއަށް ހޯދިފައިވަނީ އިތުރު ފަސް ޕޮއިންޓެވެ. މިއާއެކު 8-9 ގެ ނަތީޖާއަކުން ޝޫޓާރސް މެޗު ކާމިޔާބުކުރިއިރު، މެޗުގެ މޮޅު ކުޅުންތެރިއަކަށް ހޮވުނީ އެޓީމުގެ ކިޔާނީ ބިންތް ޝައްފާޒް އެވެ.

ސީނިއާ ޑިވިޝަން ސެމީފައިނަލުގެ ދެވަނަ މެޗުގައި ހައި ފްލަޔާސް އާއި އެޓޭކާރސް ވާދަކުރިއިރު، މެޗުގެ ފުރަތަމަ ހާފުގެ ކުޅުން ނިމިގެންދިޔައީ 3-3 ގެ ނަތީޖާއަކުން ހައި ފްލަޔާސް ކުރީގައި އޮވެގެންނެވެ. އަދި ދެވަނަ ހާފުގައި އެޓޭކާރސް އިން އިތުރު ހަތަރު ޕޮއިންޓް ހޯދިއިރު. މިހާފުގައި ހައި ފްލަޔާސްއަށް ހޯދިފައިވަނީ އެންމެ ޕޮއިންޓެވެ. މިއާއެކު 6-4 ގެ ނަތީޖާއަކުން އެޓޭކާރސް މެޗު ކާމިޔާބުކުރިއިރު، މެޗުގެ މޮޅު ކުޅުންތެރިއަކަށް ހޮވުނީ އެޓީމުގެ އާމިނަތު އީލާފް ސޮބާހް އެވެ.

މީގެ އިތުރުން މިރޭ، ސީނިއާ ޑިވިޝަންގެ ތިންވަަނަ ހޮވަން ކުޅުނު މެޗުގައި ހައި ފްލަޔާސް އާއި ފައިޓާރސް ވާދަކުރިއިރު، މެޗުގެ ފުރަތަމަ ހާފުގެ ކުޅުން ނިމިގެންދިޔައީ ވާދަވެރި ކުޅުމަކަށްފަހު 7-6 ގެ ނަތީޖާއަކުން ފައިޓާރސް ކުރީގައި އޮވެގެންނެވެ. އަދި ދެވަނަ ހާފުގައި ދެޓީމުންކުރެ އެއްވެސް ޓީމަކަށް އިތުރު ޕޮއިންޓެއް ހޯދިފައިނުވާއިރު، މެޗުގެ ކުޅުން ނިމިގެންދިޔައީ ނަތީޖާއަށް އިތުރު ބަދަލެއް ނައިސް 7-6 ގެ ނަތީޖާއަކުން ފައިޓާރސް ކުރީގައި އޮވެގެންނެވެ. އަދި މިމެޗުގެ މޮޅު ކުޅުންތެރިއަކަށް ހޮވުނީ ފައިޓާރސްގެ އާމިނަތު އަމްރާ ފަރަހާ އެވެ.

23 ފެބުރުއަރީ 2025 އިން 05 މާރިޗު 2026 ނިޔަލަށް ކުރިއަށްދާ މި މުބާރާތުގެ ސީނިއަރ ޑިވިޝަންގައި މިއަހަރު ޖުމްލަ އަށް ޓީމަކުން ވާދަކުރިއިރު، މި ޑިވިޝަންގެ މެޗުތައް ކުރިއަށް ގެންގޮސްފައި ވަނީ ލީގު އުސޫލުން ކޮންމެ ޓީމެއް ކޮންމެ ޓީމަކާއި އެއްމެޗު ކުޅެ އެންމެ ރަނގަޅު ނަތީޖާއެއް ހޯދާ ހަތަރު ޓީމު ސެމީފައިނަލަށް ހޮވޭގޮތަށެވެ.