--
ދީޕީކާ ޕަދުކޯން އާއި ރަންވީރު ސިންގް ފޭނުންނަށް މި ދިވާލީގައި އެންމެ ބޮޑު ހަދިޔާ ދިނީ އެ މީހުންގެ އަންހެން ދަރިފުޅުގެ ނަމާއި ފުރަތަމަ ފޮޓޯ ސޯޝަލް މީޑިއަށް ދޫކޮށްލައިގެންނެވެ.
ދެ އެކްޓަރުން އެކުގައި ކޮށްފައިވާ ކޮލަބް ޕޯސްޓުގައި އެ ދެމަފިރިން ވަނީ އެއް މަހުގެ ދަރިފުޅުގެ ނަމަކީ "ދުއާ ޕަދުކޯން ސިންގް" ކަމަށް ހާމަކޮށްފައިއެވެ.
ދަރިފުޅުގެ ނަމާއި އެކު ފުރަތަމަ ރަސްމީ ފޮޓޯވެސް ވަނީ ފޭނުންނަށް ދޫކޮށްލާފައިއެވެ.
އެ ފޮޓޯއިން ފެންނަނީ ފިޔާތޮށި ކުލައިގެ ސޫޓް-ޕޭންޓެއް ލައިގެން ހުރި ދަރިފުޅުގެ ފައިތިލައެވެ. ފޮޓޯއިން ފެންނަގޮތުގައި ދުއާ ހުރީ ރަތްކުލައިގެ ހެދުމެއްގައި ފެންނަ އޭނާ މަންމަ ދީޕީކާގެ އުނގު މަތީގައިއެވެ.
އެ ޕޯސްޓް ޝެއާ ކުރުމާ އެކު އެކްޓްރެސް އާލިއާ ބަޓް ވަނީ ކޮމެންޓް ސެކްޝަނުގައި ރަތް ކުލައިގެ ހިތްތަކެއް ދޫކޮށްލައިފަ އެވެ. އަދި އެކްޓަރ އަރުޖުން ކަޕޫރުވެސް ވަނީ ކޮމެންޓް ސެކްޝަނުގައި ރޯހިތު ޝެޓީގެ "ސިންގަމް އެގެއިން" ފިލްމަށް ނިސްބަތްކޮށް ދުއާއަށް "ބޭބީ ސިމްބާ" ގެ ނަންދީފައިއެވެ. ދީޕިކާ އާއި ރަންވީރާ އެކު ރޯހިތުގެ މި ފިލްމުން އަރުޖުންވެސް ފެނިގެންދާނެއެވެ.
އެ ޕޯސްޓުގައި ދީޕީކާ އާއި ރަންވީރު ވަނީ އެ މީހުންގެ ދަރިފުޅުގެ ނަމުގެ މާނަވެސް ހިއްސާކޮށްފައިއެވެ.
2018 ވަނަ އަހަރުގެ ކައިވެންޏަށް ހަ އަހަރު ފަހުން ދީޕިކާ އާއި ރަންވީރު ވަނީ ފުރަތަމަ ދަރިއަކު ލިބެން އުޅޭ ކަމުގެ ހަބަރު ވަނީ މިއަހަރު ކުރީކޮޅު ހިއްސާކޮށްފަ އެވެ. އަދި މިދިޔަ ސެޕްޓެމްބަރު މަހުގެ 8 ވަނަ ދުވަހު، ދެ އެކްޓަރުން ވަނީ އިންސްޓަގްރާމް މެދުވެރިކޮށް ދަރިފުޅު އުފަންވިކަން ފޭނުންނަށް އިއުލާންކޮށްފައިއެވެ.
ފަހުގެ
