ހުޅުމާލޭ ހޮސްޕިޓަލުގައި ބަހައްޓާފައި ހުރި ފަންޑު ފޮށްޓެއް ވަގަށް ނެގި މީހަކު ހައްޔަރުކޮށްފިއެވެ.

ފުލުހުން ވިދާޅުވީ ހުޅުމާލޭ ހޮސްޕިޓަލުގައި ހުރި ފަންޑު ފޮށްޓެއް ވަގަށް ނަގާފައިވާ މައްސަލައެއް މިއަދު ހެނދުނު 6:30 ގައި ހުށަހަޅާފައިވާ ކަމަށެވެ. އަދި އެމައްސަލައާ ގުޅިގެން، ފަންޑު ފޮށްޓާއެކު 32 އަހަރުގެ މީހަކު ހައްޔަރުކޮށްފައިވާ ކަމަށްވެސް ފުލުހުން ވިދާޅުވިއެވެ.

މި މައްސަލަ އިތުރަށް ތަހުގީގު ކުރަމުންދާއިރު، ވަގަށް ނެގި ފަންޑު ފޮށީގައި ހުރީ ކިހާ އަދަދެއްގެ ފައިސާއެއް ކަމަށް ހާމަކޮށްފައި ނުވެއެވެ.