ދެޑިވިޝަނަކަށް ބަހާލައިގެން ކުރިއަށްދާ 35 ވަނަ ގައުމީ ކެރަމް މުބާރާތުގެ ކުޅުން ހޮނިހިރު ދުވަހު ފަށައިފިއެވެ.3 އޮކްޓޯބަރު 2026 އިން 8 އޮކްޓޯބަރު 2026 ގެ ނިޔަލަށް ހުޅުމާލޭ ކެރަމް އެރީނާގައި ކުރިއަށްދާ މިމުބާރާތުގެ ކުޅުން އިއްޔެ ފެށިއިރު، މިހާރު ކުރިއަށްދަނީ މުބާރާތުގެ ދެވަނަ ޑިވިޝަނުގެ މެޗުތަކެވެ.

އެގޮތުން މިއަހަރުގެ މުބާރާތުގެ ދެވަނަ ޑިވިޝަނުގެ ސިންގަލްސް އިވެންޓްތަކުގައި ޖުމްލަ 80 ކުޅުންތެރިއަކު ވާދަކުރަމުންދާއިރު، އޭގެ ތެރޭގައި ހިމެނެނީ ފިރިހެން 52 ކުޅުންތެރިންނާއި އަންހެން 28 ކުޅުންތެރިންނެވެ.

މީގެ އިތުރުން ދެވަނަ ޑިވިޝަނުގެ ޑަބަލްސް އިވެންޓްތަކުގައި ޖުމްލަ 44 ޕެއާރ ވާދަކުރާއިރު، އޭގެ ތެރޭގައި ހިމެނެނީ އަންހެން 13 ޕެއާރގެ އިތުރުން ފިރިހެން 28 ޕެއާރ އެވެ. އަދި މިކްސް ޑަބަލްސް އިވެންޓުގައި 16 ޕެއާރއެއް އަންނަނީ ވާދަކުރަމުންނެވެ. އަދި މުބާރާތުގެ ފުރަތަމަ ޑިވިޝަނުގެ ކުޅުން ފެށުމަށް ހަމަޖެހިފައިވަނީ އޮކްޓޯބަރު 8ވަނަ ދުވަހު އެވެ.

މިއަހަރުގެ މުބާރާތުގެ ޓީމު އިވެންޓްތަކުގައި ކޮންމެ ކުލަބަކުންވެސް އޭ ކެޓަގަރީގެ ބިދޭސީ ދެ ކުޅުންތެރިޔަކަށް ޓީމުން ފުރުސަތު ދެވޭގޮތަށް މުބާރާތުގެ ގަވާއިދު ހިމަނާފައިވާއިރު، މި މުބާރާތް ވެގެންދަނީ މިހާތަނަށް އެންމެ ގިނަ އަދަދަކަށް ބިދޭސީ ކުޅުންތެރިން ފެނިގެންދާ މުބާރާތަށެވެ. އަދި އޭގެ ތެރޭގައި ދުނިޔޭގެ ޗެމްޕިއަނުން ވެސް ހިމެނޭކަން ފާހަގަކޮށްލެވެއެވެ.