ކުރީގެ ރައީސް އަބްދުﷲ ޔާމީން އަބްދުލްގައްޔޫމް އައްޑޫ ސިޓީ އަށް ވަޑައިގެންފިއެވެ.

އެ މަނިކުފާނު އައްޑޫ ސިޓީ އަށް ވަޑައިގެންނެވީ ރޭގެ ވަގުތެއްގައެވެ.

މައުލޫމާތު ލިބިފައިވާ ގޮތުގައި މިއީ ޕީއެންއެފްގެ ސިޔާސީ ހަރަކާތްތައް ފުޅާކުރުމުގެ ގޮތުން ކުރައްވާ ދަތުރުފުޅެކެވެ. އަދި މި ދަތުރުފުުގައި ޕީއެންއެފްގެ އިސް ލީޑަރޝިޕްގެ ބޭފުޅުން ބައިވެރިވެވަޑައިގަންނަވާއިރު، ރައީސް ޔާމީން އައްޑުއަށް ފައިބައިވަޑައިގަތުމުން، އެ މަނިކުފާނަށް ސަޕޯޓަރުންގެ ފަރާތުން ވަނީ ހޫނު މަރުހަބާއެއް ކިޔާފައެވެ.

ޕީއެންއެފުން ރޭ ބުނީ ދަތުރުގައި މައިގަނޑު ގޮތެއްގައި ހަމަޖެހިފައިވަނީ އައްޑޫގެ އެކި އަވަށްތަކުގައި ދިރިއުޅޭ ރައްޔިތުންނާ ބައްދަލުކުރެއްވުމަށް ބާއްވާ ޓައުން ހޯލް ޖަލްސާތައް ކަމަށެވެ. މީގެ އިތުރުން، އެ ސިޓީގެ އެކި ސަރަހައްދުތަކުގައި ޕީއެންއެފްގެ އޮފީސްތައް ރަސްމީކޮށް ހުޅުވުމަށްވެސް ވަނީ ހަމަޖެހިފައި ކަމަށް ޕީއެންއެފުން ބުންޏެވެ.

ޔާމީން ވަނީ މީގެކުރިން ފުވައްމުލަކު ސިޓީ އަދި އައްޑޫ ސިޓީއަށް ވަޑައިގެން ބައްދަލުވުންތައް ބާއްވައިފައެވެ.