ގާނޫނީ ވަކީލު އަލް އުސްތާޛާ ފާތިމަތު ސައުސަން ނިޔާވެއްޖެއެވެ.

ވަޒީފާއާބެހޭ ޓްރައިބިއުނަލްގެ މެންބަރުކަން ވެސް ކުރައްވާ ސައުސަން ނިޔާވީ ބޭސްފަރުވާއަކަށް އިންޑިއާއަށް ވަޑައިގެން އުޅުއްވަނިކޮށް މިަދު ހެނދުނުގެ ވަގުތެއްގައި ކަމަށް މައުލޫމާތު ލިބެއެވެ. ނަމަވެސް އިތުރު ތަފްސީލެއް ނުލިބެއެވެ.

ސައުސަން އަކީ އިންޑަސްޓްރިއަލް ޑިސްޕިއުޓް ރިޒޮލިއުޝަން ޑިވިޒަންގައި މަސައްކަތްކުރައްވާ މެންބަރެކެވެ.

ޓްރައިބިއުނަލްގެ އިންޑަސްޓްރިއަލް ޑިސްޕިއުޓް ރިޒޮލިއުޝަން ޑިވިޒަނަށް ހާއްސަކޮށް ވަޒީފާއާބެހޭ ޓްރައިބިއުނަލުގެ މެންބަރުކަމުގެ މަގާމަށް ސައުސަން އައްޔަންކުރެއްވީ 2024 ވަނަ އަހަރުގެ އޮކްޓޫބަރު މަހުގެ ދެވަނަ ދުވަހުއެވެ.