މޯލްޑިވްސް ޕޯޓްސް ލިމިޓެޑް (އެމްޕީއެލް) އިން އިންތިޒާމުކޮށްގެން ބާއްވާ ދެވަނަ "މޯލްޑިވްސް މެރިޓައިމް ކޮންފަރެންސް 2026" ގެ ބްރޯންޒް ސްޕޮންސަރުންގެ ގޮތުގައި ސާސް އީ ކޮންސްޓްރަކްޝަން ޕްރައިވެޓް ލިމިޓެޑާއި ޔޫރޯ މާކެޓިންގ ޕްރައިވެޓް ލިމިޓެޑް ހަމަޖައްސައި، އެއްބަސްވުންތަކުގައި ރަސްމީކޮށް ސޮއިކޮށްފިއެވެ.

މި އެއްބަސްވުންތަކުގައި އެމްޕީއެލްގެ ފަރާތުން ސޮއިކުރެއްވީ އެ ކުންފުނީގެ ޑެޕިއުޓީ ސީއީއޯ ޢަލީ ހާޝިމެވެ. ސާސް އީ ކޮންސްޓްރަކްޝަންގެ ފަރާތުން ސޮއިކުރެއްވީ އެ ކުންފުނީގެ އެޗްއާރު ޑިރެކްޓަރ އިބްރާހީމް މަސްދޫޤެވެ. އަދި ޔޫރޯ މާކެޓިންގގެ ފަރާތުން ސޮއިކުރެއްވީ އެ ކުންފުނީގެ ކޮމާޝަލް ސޭލްސް މެނޭޖަރ މުޙައްމަދު ނަޞީރެވެ.

ދިވެހިރާއްޖޭގެ ކަނޑުދަތުރުފަތުރާއި ބަނދަރުތަކުގެ ދާއިރާ ހަރުދަނާކޮށް، ސިނާޢަތުގެ މުހިންމު ކަންކަމާމެދު މަޝްވަރާކުރުމަށް އެމްޕީއެލްއިން ބާއްވާ ދެވަނަ މޯލްޑިވްސް މެރިޓައިމް ކޮންފަރެންސް އޮންނާނީ 2026 އޮކްޓޫބަރު މަހުގެ 5 ވަނަ ދުވަހުއެވެ.

މި ކޮންފަރެންސްގެ ތެރެއިން މެރިޓައިމް ދާއިރާގެ ގިނަ ފަރާތްތަކެއް އެއްތަނަކުން ބައްދަލުވެ، ޚިޔާލު ބަދަލުކުރުމުގެ ފުރުޞަތު ފަހިވެގެންދާނެއެވެ.