މާލޭގެ ބޮޑުތަކުރުފާނު މަގު ޒަމާނީ ފެންވަރަށް ތަރައްގީކުރުމުގެ މަޝްރޫއުގެ ދަށުން ސުނާމީ ބިނާއިން ފެށިގެން މޯލްޑިވްސް ޕޯޓްސް ލިމިޓެޑް (އެމްޕީއެލް) އާ ހަމައަށް މަގު ހެދުމާއި ޖެޓީތައް ހެދުމަށް އެ ސަރަހައްދުގައި ހުރި އުޅަނދުތައް ކުރިއަށްއޮތް 2 ދުވަސްތެރޭގަައި ނެގުމަށް އަންގައިފި އެވެ.

ބިނާރާއި ގެދޮރުވެރިކަމާއި އުމްރާނީ ތަރައްގީއާއި ބެހޭ ވުޒާރާއިން ބުނީ މި ސަރަަހައްދުގެ އަމަލީ މަސައްކަތް ފެށުމަށް މިނިސްޓްރީން ތައްޔާރުވަމުންދާއިރު، އެ ސަރަހައްދުގައި ހުރި އުޅަނދުތައް މާދަމާ ރޭ 11:00 ގެ ކުރިން ނެގުމަށް އިލްތިމާސްކޮށްފަ އެވެެ.

މި މުއްދަތުގެ ފަހުން ނުނަގައި ހުންނަ ތަކެއްޗާއި އުޅަނދުފަހަރު ވުޒާރާއިން ނަގާނެކަމަށް ބުނެފައިވެ އެވެ.

މީގެއިތުރުން، މާލޭގެ އުތުރު ފަރާތު ބަނދަރު ބޭނުންކުރުމުގައި އާންމުންނަށާއި ދަތުރުވެރިންނަށް ދިމާވާ ދަތިތަކަށް ދާއިމީ ޙައްލެއް ހޯދައިދިނުމުގެ މަޤްޞަދުގައި، އެ ސަރަޙައްދުގެ ޖެޓީތައް ތަރައްޤީކުރުމުގެ ޢަމަލީ މަސައްކަތް ވެސް ފެށުމަށް ވުޒާރާއިން ތައްޔާރުވެފައިވާކަމަށް ބުންޏެވެ.

މި މަސައްކަތަށް މަގުފަހިކުރުމުގެ ގޮތުން މަސްވެރިންގެ ޕާކު ސަރަޙައްދުން ފެށިގެން ނާދީ ގޯޅިއާ ހަމައަށް އަޅާފައިވާ އުޅަނދުފަހަރު، މިރޭ 11:00 ގެ ކުރިން އެ ސަރަޙައްދުން ނެގުމަށް ވުޒާރާއިން ވަނީ އިލްތިމާސްކޮށްފަ އެވެ.އަދި ކަނޑައެޅިފައިވާ މުއްދަތު ހަމަވުމަށްފަހު، އެ ސަރަޙައްދުތަކުން ނުނަގައި ހުންނަ އުޅަނދުފަހަރު ވުޒާރާއިން ނަގަމުން ގެންދާނެ ކަމަށްވެސް އަންގާފައިވެ އެވެ.