2026 ވަނަ އަހަރުގެ އޮގަސްޓު މަހުގެ ތެރޭގައި ޒަކާތުގެ އެހީގެ ގޮތުގައި ޖުމުލަ 5,170,675.91 (ފަސް މިލިއަން އެއްލައްކަ ހަތްދިހަ ހާސް ހަސަތޭކަ ހަތްދިހަ ފަސް ރުފިޔާ ނުވަދިހަ އެއް ލާރި) ދޫކޮށްފިއެވެ.

މިއީ މިދިޔަ އަހަރުގެ އޮގަސްޓު މަހު ޒަކާތުގެ އެހީގެ ގޮތުގައި ދޫކުރި 4,615,944.84 ރުފިޔާއާ އަޅާބަލާއިރު %12 ގެ ކުރިއެރުމެކެވެ.

އޮގަސްޓު މަހުގެ ތެރޭގައި ޒަކާތުގެ ގޮތުގައި އެންމެ ބޮޑު ހޭދައެއް ކޮށްފައިވަނީ ފަޤީރުންނާއި މިސްކީނުންގެ ބަޔަށެވެ. އެގޮތުން އެ ބަޔަށް ޖުމުލަ 2,358,675.66 ރުފިޔާ ދޫކޮށްފައިވާއިރު، އޭގެ ތެރޭގައި ހިމެނެނީ ބޭސްފަރުވާގެ އެހީގެ ގޮތުގައި ދޫކުރި 2,316,175.66 ރުފިޔާއާއި ޒަރޫރީ ބޭނުންތަކަށް ދޫކުރި 42,500 ރުފިޔާއެވެ.

މީގެއިތުރުން ދެން އެންމެ ބޮޑު ހޭދައެއް ކޮށްފައިވަނީ ފީސަބީލިﷲގެ ބަޔަށެވެ. އެ ބަޔަށް ޖުމުލަ 2,544,823.64 ރުފިޔާ ހޭދަކޮށްފައިވެއެވެ. އޭގެ ތަފްޞީލަށް ބަލާއިރު:

• ދީނީ ޕްރޮގްރާމްތައް ހިންގުމަށް: 1,047,219.50 ރުފިޔާ
• މަތީ ތަޢުލީމު ފުރިހަމަކުރުމަށް ދިން އެހީ: 797,604.14 ރުފިޔާ
• ފޮތްތައް ތަރުޖަމާކުރުމަށް: 579,585.40 ރުފިޔާ
• ޙިފްޡު ޕްރޮގްރާމްތަކާއި ކީރިތި ޤުރްއާނުގެ ޢިލްމު ފެތުރުމަށް: 120,414.60 ރުފިޔާ

އޮގަސްޓު މަހުގެ ތަފާސްހިސާބުތަކުން ދައްކާ ގޮތުގައި، ދަރަނިވެރިންނަށް އެހީވުމުގެ ބައިން (އަލްޣާރިމީން) 60,061 ރުފިޔާ ދޫކޮށްފައިވާއިރު، ޙާލުގައި ޖެހިފައިވާ ދަތުރުވެރިންގެ ބައިން (އިބްނުއްސަބީލް) 19,834.02 ރުފިޔާ ވަނީ އެހީގެ ގޮތުގައި ދޫކޮށްފައެވެ.

ހަމައެއާއެކު، 2026 ވަނަ އަހަރުގެ އޮގަސްޓު މަހުގެ ތެރޭގައި ޒަކާތު ފަންޑަށް ލިބުނު ޖުމުލަ އާމްދަނީގެ ގޮތުގައި 7,353,416.98 (ހަތް މިލިއަން ތިންލައްކަ ފަންސާސް ތިންހާސް ހަތަރުސަތޭކަ ސޯޅަ ރުފިޔާ ނުވަދިހަ އަށް ލާރި) ވަނީ ރެކޯޑު ކުރެވިފައެވެ.