ވެރިކަން ކުރާ ޕީޕަލްސް ނޭޝަނަލް ކޮންގްރެސް (ޕީއެންސީ) ގެ މަތީ މަޖިލީހުގެ ހާއްސަ ހޮޓްލައިން އާންމުކޮށްފި އެވެ.

ޕާޓީގެ އަސާސީ ޤަވާޢިދުގެ ދަށުން ބާއްވާ މަތީ މަޖިލިސް މި މަހުގެ 15 އިން 18 އަށް އޮންނައިރު, މިހާރުވަނީ މި އިންތިހާބީ މަގާމުތަކަށް ކުރިމަތިލުމުގެ ފުރުސަތު ހުޅުވާލާފަ އެވެ.

މި އިންތިހާބުގެ މަސައްކަތްތައް ކުރިއަށްދާއިރު، ހާއްސަ ހޮޓްލައިންއިން ހަފްތާގެ ހުރިހާ ދުވަހަކުވެސް ހިދުމަތްދެ އެވެ. އެއީ ހޮނިހިރު ދުވަހުން ފެށިގެން ބުރާސްފަތި ދުވަހު ހެނދުނު 10:00 އިން 18:00 އަށް، ރޭގަނޑު 20:30 އިން 22:30 އަށެވެ. އަދި ހުކުރު ދުވަހު ހިދުމަތްދެނީ ރޭގަނޑު 22:30 އިން 22:30 އަށެވެ.

ހިދުމަތްދޭ ނަންބަރާއި އަތޮޅުތައް:

• ހއ،ހދ، ކުޅުދުއްފުށި ސިޓީ، ށ، ނ، ސ، އައްޑޫ ސިޓީ- 9433192
• ރ،ބ،ޅ،ކ،އއ،އދ- 9432544
• ވ،މ،ފ،ދ،ތ،ލ،ގއ،ގދ،ތިނަދޫ ސިޓީ އަދި ފުވައްމުލައް ސިޓީ- 9432696

މި އިންތިހާބުގައި މަގާމުތަކަށް އިންތިހާބުކުރަނީ ޕާޓީގެ ނައިބު ރައީސުންގެ ގޮތުގައި 6 ބޭފުޅަކު އަދި ޕާޓީގެ މެންބަރުންގެ ގޮތުގައި ބޭފުޅުންނެވެ. މީގެއިތުރަށް ޕާޓީގެ އަންހެނުންގެ ހަރަކާތަށް އަދި ޒުވާނުންގެ ހަރަކާތަށް 4 މަގާމަކަށްވެސް ކޮންގްރެސްގެ ތެރޭގައި އިންތިހާބު ބޭއްވި ވޯޓުލުން ކުރިއަށް ގެންދިއުމަށް ހަމަޖެހިފައިވެ އެވެ.