ހުޅުމާލޭ ފޭސް 2 ގެ މޫނިމާ މަގުގައި ނުރައްކާތެރި އެކްސިޑެންޓެއް ހިނގައި ކުޑަކުއްޖަކަށް ސީރިއަސް އަނިޔާތަކެއް ލިބިއްޖެ އެވެ.

ފުލުހުން ބުނީ މި ހާދިސާ ހިނގާފައިވަނީ ފޭސް 2 ގެ ވިނަރެސް 7 ކައިރީ ކަމަށެވެ.

މިރޭ 9 ޖެހިކަންހާއިރު ވިނަރެސް ކައިރީ ހިނގި މި ހާދިސާ ހިނގީ ކާރަކާއި ސައިކަލެއް ޖެހިގެންކަމަށް ލަފާކުރެވެ އެވެ. އަދި މި ހާދިސާގައި ވެއްޓުނު ކުޑަކުއްޖާ ހަރަކާތް ހުސްވެފައި އޮތްއިރު، އެ ކުއްޖާގެ ބޮލުން ބައިވަރު ލޭ ފައިބާފައިވެ އެވެ.

ފުލުހުން ބުނީ މި މައްސަލަ ތަހުގީގުކުރަމުންދާ ކަމަށެވެ.