ދިވެހިރާއްޖޭގެ ތަރައްގީއަށާއި އިންޖިނިއަރިންގ ދާއިރާއަށް ދިވެހި އިންޖިނިއަރުންނާއި، އެކަމުގައި ޝާމިލުވާ ފަރާތްތަކުން ކޮށްދެއްވާ ބުރަ މަސައްކަތުގެ އަގުވަޒަން ކުރުމުގެ ގޮތުން މިނިސްޓްރީ އޮފް އިންފްރާސްޓްރަކްޗަރ، ހައުސިންގ އެންޑް އަރބަން ޑިވެލޮޕްމަންޓުގެ ފަރާތުން ދޭ "އިންޖިނިއަރސް އެވޯޑު" ގެ އިވެލުއޭޝަން ކޮމިޓީއަށް މެންބަރުން އައްޔަންކޮށްފި އެވެ.

ހައުސިންގް މިނިސްޓްރީން ބުނީ މި ކޮމިޓީއަށް ޖުމްލަ 6 މެންބަރުންނާއި ޗެއާއެއް އައްޔަންކުރީ މިނިސްޓަރު އަބްދުލް މުއްތޮލިބު ކަމަށެވެ.

އިންޖިނިއަރސް އެވޯޑު އަށް ކުރިމަތިލުމުގެ މުއްދަތު މިދިޔަ ބުރާސްފަތި ދުވަހުގައި ހަމަވެފައިވާއިރު،މި އަހަރުގެ އިންޖިނިއަރުންގެ އެވޯޑު 10 ގިންތިއަކުން ދިނުމަށް މިނިސްޓްރީން ކަނޑައަޅާފައިވެ އެވެ.

މި އެވޯޑަށް އައްޔަންކުރި މަގާމުތަކާއި މެންބަރުން:

• ޗެއާރ- އަލްފާޟިލް ހުސައިން ޝިޔާމް، މ.މަހެކް، މާލެ
• މެންބަރު- ޑރ. ޔޫސުފް ނިޒާމް، އޯކިޑްވިލާ، ރ. ހުޅުދުއްފާރު
• މެންބަރު- އަލްފާޟިލް މުހައްމަދު ސައިފު ސައީދު، ބޮކަރުމާއާގެ، ގއ. ވިލިނގިލި
• މެންބަރު- އަލްފާޟިލް ހަމްދޫން މުހައްމަދު، މ.ހިކިގުލްއަލާމާ، މާލެ
• މެންބަރު- ޑރ. އަހްމަދު ރަނޭޝް، މއ.ބޯޅަޖެހިގެ، މާލެ
• މެންބަރު- އަލްފާޟިލް އިސްމާއިލް އިބްރާހީމް، ގ.ރޯޒަރީ-ވެސްޓް، މާލެ
• މެންބަރު- އަލްފާޟިލް މުޢާވިޔަތު ޝަރީފް، ގ.އާގަސް، މާލެ

މިނިސްޓްރީން ބުނީ މިއީ އެވޯޑަށް ކުރިމަތިލާ ފަރާތްތަކުގެ ގޮތުންނާއި، އެ ކޮމިޓީގައި މެންބަރުންގެ ހައިސިއްޔަތުން މަސައްކަތްކުރުމަށް އައްޔަންކޮށްފައިވާ ފަރާތްތަކެއް ކަމަށެވެ.