ށ. ފޯކައިދޫގައި ދިވެހިރައްޔިތުންގެ ޑިމޮކްރެޓިކް ޕާޓީ (އެމްޑީޕީ) ގެ ކަންކަމުގައި އިސް ދައުރެއް އަދާކުރި ހުސައިން ފަރީދު ޕީޕަލްސް ނެޝަނަލް ކޮންގްރެސް (ޕީއެންސީ) އަށް ސޮއިކޮށްފިއެވެ.

ދެ ދައުރެއްގައި އެރަށު ކައުންސިލް މެމްބަރުކަން ވެސް ކޮށްފައިވާ ފަރީދު ޕީއެންސީއާ ގުޅިފައިމިވަނީ އެރަށުގެ އެމްޑީޕީގެ ބައެއް އިސް މެމްބަރުންނާއި އޭނާ އާއި ދެމެދު އުފެދުނު ނުތަނަވަސްކަމަކަށްފަހު ސިޔާސީ ހަރަކާތާއި ދުރުގައި ހުރުމަށްފަހުގައެވެ.

މިކަމާގުޅިގެން ފޯކައިދޫ ޕީއެންސީ ޓީމުން ވަނީ އޭނާ އަށް ހޫނު މަރު ކިޔާފައެވެ. އަދި އެމްޑީޕީ އަށް ބޮޑު ތާއީދެއް އޮތް ފޯކައިދޫގައި ޕީއެންސީ އަށް އޮތް ތާއީދު އިތުރުވަމުން އަންނަކަމުގެ ހެއްކެއް ކަމުގައި ވެސް ވަނީ ބުނެފައެވެ.