އަމްސާގެ "އެންމެންގެ ޑްރެގް ޗެންޕިއަންޝިޕް 2025" ގައި ބައިވެރިވުމުގެ ފުރުސަތު ހުޅުވާލައިފި

އައްޑޫ މޮޓޯސްޕޯޓްސް އެސޯސިއޭޝަންގެ ފަރާތުން އިންތިޒާމުކޮށްގެން މުޅި ރާއްޖެއަށް ހުޅުވާލައިގެން ބާއްވާ ދެވަނަ "އެންމެންގެ ޑްރެގް ރޭސް 2025" ގައި ބައިވެރިވުމުގެ ފުރުސަތު އާންމުކޮށް ހުޅުވާލައިފިއެވެ.

23 ފެބުރުއަރީ 2025 އިން 24 ފެބުރުއަރީ 2025 ގެ ނިޔަލަށް ހުޅުމީދޫގައި ބާއްވާ މިއިވެންޓްގައި ބައިވެރިވެލައްވަން ބޭނުން ފުޅުވެލައްވާ ގޫގަލް ފޯމް ލިންކް އައްޑޫ މޮޓޯސްޕޯޓްސް އެސޯސިއޭޝަންގެ ފޭސްބުކް ޕޭޖުން ލިބިވަޑައިގަންނަވާނެއެވެ. އަދި މުބާރާތުގައި ބައިވެރިވުމުގެ އެންމެ ފަހު ތާރީޚަކީ 6 ފެބުރުއަރީ 2025 އެވެ.

އިވެންޓް ކެޓަގަރީތައް ބަހާލެވިފައިވާގޮތާއި ފައިސާގެ އިނާމް:

1- މެޓިކް 160 ސީސީ:

1. އެއްވަނަ : 2،000 ރުފިޔާ
2. ދެވަނަ: 1،000 ރުފިޔާ

2- އާބަން ކޮމާޓާ 125 ސީސީ:

1. އެއްވަނަ: ބޯރް ސްޓާޓަރ ކޮމްބޯ ސެޓް
2. ދެވަނަ: 1،000 ރުފިޔާ

3- އާބަން ކޮމާޓާ 135 ސީސީ:

1. އެއްވަނަ: ބޯރް ސްޓާޓަރ ކޮމްބޯ ސެޓް
2. ދެވަނަ: 1،000 ރުފިޔާ

4- އާބަން ކޮމާޓާ 150 ސީސީ:

1. އެއްވަނަ: ބޯރް ސްޓާޓަރ ކޮމްބޯ ސެޓް
2. ދެވަނަ: 1،000 ރުފިޔާ

5- އާބަން ކޮމާޓާ 155 ސީސީ:

1. އެއްވަނަ: ބޯރް ސްޓާޓަރ ކޮމްބޯ ސެޓް
2. ދެވަނަ: 1،000 ރުފިޔާ

6- އާބަން ކޮމާޓާ އޯޕަން: (މި އިވެންޓަށް ކޮލިފައި ވާނީ އާބަން ކޮމާޓާ 125 ސީސީ، 135 ސީސީ، 150 ސީސީ އަދި 155 ސީސީ އިވެންޓްގެ އެއްވަނަ އަދި ދެވަނަ ) އެވެ.

1. އެއްވަނަ: ބޯރް ސްޓާޓަރ ކޮމްބޯ ސެޓް
2. ދެވަނަ: 2،000 ރުފިޔާ

7- ޕްރޯ ސްޓްރީޓް 135 ސީސީ

1. އެއްވަނަ: 8،000 ރުފިޔާ
2. ދެވަނަ: 4،000 ރުފިޔާ

8- ޕްރޯ ސްޓްރީޓް 150-160 ސީސީ:

1. އެއްވަނަ: 8،000 ރުފިޔާ
2. ދެވަނަ: 4،000 ރުފިޔާ

9- ސުޕަރ ޕްރޯ ސްޓްރީޓް

1. އެއްވަނަ: 8،000 ރުފިޔާ
2. ދެވަނަ: 4،000 ރުފިޔާ

10 -ޑްރެގް އަންޑަރބޯން އޯޕެން: ( މި އިވެންޓަށް ކޮލިފައި ވާނީ ޕްރޯ ސްޓްރީޓް 135 ސީސީ، ޕްރޯ ސްޓްރީޓް 150-160 ސީސީ އަދި ސުޕަރ ޕްރޯ ސްޓްރީޓް އިވެންޓްގެ އެއްވަނަ އަދި ދެވަނަ ) އެވެ.

1. އެއްވަނަ: 10،000 ރުފިޔާ
2. ދެވަނަ: 5،000 ރުފިޔާ

11 -ސުޕަރ ބައިކް 500-750 ސީސީ:

1. އެއްވަނަ: 5،000 ރުފިޔާ
2. ދެވަނަ: 3،000 ރުފިޔާ

12 -ސުޕަރ ބައިކް 751-1500 ސީސީ:

1. އެއްވަނަ: 5،000 ރުފިޔާ
2. ދެވަނަ: 3،000 ރުފިޔާ

13 -މޮޓޯ ސްޕްރީމް : (މި އިވެންޓަށް ކޮލިފައި ވާނީ ޕްރޯ ސްޓްރީޓް 135 ސީސީ، ޕްރޯ ސްޓްރީޓް 150-160 ސީސީ، ސުޕަރ ޕްރޯ ސްޓްރީޓް،ސުޕަރ ބައިކް 500-750 ސީސީ އަދި ސުޕަރ ބައިކް 751-1500 ސީސީ އިވެންޓްގެ އެއްވަނަ އަދި ދެވަނަ ) އެވެ.

1. އެއްވަނަ: 10،000 ރުފިޔާ
2. ދެވަނަ: 5،000 ރުފިޔާ

14 -ކާރު 2000

1. އެއްވަނަ: 5،000 ރުފިޔާ
2. ދެވަނަ: 2،000 ރުފިޔާ

15 -ކާރު 3500

އެއްވަނަ: 5،000 ރުފިޔާ ދެވަނަ: 2،000 ރުފިޔާ

16 -ކާރު 4000

1. އެއްވަނަ: 5،000 ރުފިޔާ
2. ދެވަނަ: 2،000 ރުފިޔާ

17 -ކާރު އޯޕަން ( މި އިވެންޓުގައި ވާދަކުރާނީ ކާރު 2000، 3500 އަދި 4000 މި އިވެންޓުތަކުގައި ބައިވެރިވި ހުރިހާ ބައިވެރިންނެވެ. )

1. އެއްވަނަ: 10،000 ރުފިޔާ
2. ދެވަނަ: 5،000 ރުފިޔާ

މީގެ އިތުރުން މުބާރާތުގެ އެންމެ މޮޅު މެކޭނިކް ހޮވުމަށް ހަމަޖެހިފައިވާއިރު، މި މަގާމު ހޯދާ ފަރާތަކަށް 10،000 ރުފިޔާގެ ފައިސާގެ އިނާމެއް ހުށަހަޅާފައިވެއެވެ.

މީގެ އިތުރުން މިއީ އައްޑޫ މޮޓޯސްޕޯޓްސް އެސޯސިއޭޝަންގެ ފަރާތުން ބާއްވާ މިފަދަ ދެވަނަ މުބާރާތެވެ. އެގޮތުން ހުޅުމީދޫ ޗެނަލް ރޯޑުގައި މިދިޔަ އަހަރު ބޭއްވުނު މުބާރާތުގައި އައްޑޫ ސިޓީގެ އިތުރުން މާލެ ސިޓީ، ފުވައްމުލައް ސިޓީ އަދި ތިނަދޫ ސިޓީ އިން ޓީމުތައް ބައިވެރިވެފައިވާއިރު، އެމުބާރާތް ކުރިއަށް ގެންގޮސްފައިވަނީ ފަސް ކެޓަގެރީއަކަށް ބަހާލައިގެންނެވެ. އޭގެ ތެރޭގައި ހިމެނެނީ އޮޓޯ 160، ޓީއެސް 135، ޓީއެސް 150، ޓީއެސް އޯޕަން އަދި ޕްރޯ ޑްރެގް އޯޕަން ކެޓަގެރީ އެވެ.

އައްޑޫ މޮޓޯސްޕޯޓްސް އެސޯސިއޭޝަންގެ ފަރާތުން މިފަދަ އިވެންޓެއް ބޭއްވުމުގެ މަގުސަދަކީ އައްޑޫ ސިޓީގައި މޮޓޯސްޕޯޓްސް ކުރިއަރުވައި އާލާކުރުމުގެ އިތުރުން ރޭސިންއަށް ލޯބިކުރަށްވާ ފަރާތްތަކަށް އެފަރާތްރަކުގެ ހުނަރު ދައްކާލުމުގެ ފުރުސަތު ހޯދައިދިނުމުގެ އިތުރުން އެކުވެރި މާހައުލެއްގައި ރޭސިން ފެމެލީ އެއްތަންވެ ވަގުތު ހޭދަކޮއްލަން ފުރުސަތު ހޯދައިދިނުމެވެ.

މި އަހަރުގެ މުބާރާތުގެ މެއިން ސްޕޮންސަރ އަކީ ސްޕެއަރ ހަބް އެވެ. އަދި ޕަބްލިކް ރިލޭޝަން ޕާޓްނަރއަކަށް ސިޑިބަރި ހަމަޖައްސާފައިވާއިރު، މުބާރާތުގެ އޮފިޝަލް މީޑިއާ ޕާޓަނަރަކީ ގާފު ސްޕޯޓްސް އެވެ.