--
އަނުޝްކާ ޝަރުމާ އަކީ ގިނަ ފިލްމުތަކެއްގައި އޭނާގެ މޮޅު އެކްޓިން ހުނަރު ސާބިތުކޮށްދީފައިވާ ބަތަލާއެކެވެ.
ކެރިއަރާއި މަސައްކަތުގެ އިތުރުން އުމުރުން 36 އަހަރުގެ އަނުޝްކާ އަކީ ދުޅަހެޔޮ ސިއްހަތެއްގައި އުޅުމަށް ލޯބިކުރާ ބަތަލާއެކެވެ. ފިޓްނަސް އެޑިކްޓެއްގެ އިތުރުން އޭނާއަކީ ވެޖިޓޭރިއަންއެއްވެސްމެއެވެ.
"ޖަބް ހެރީ މެޓް ސޭޖަލް" ގެ ބަތަލާ އޭނާގެ ކެއުމުގެ އާދަތަކާއި ފިޓް ހަށިގަނޑާ ބެހޭ ގޮތުން ވަރަށް ގިނައިން އިންޓަވިއުތަކުގައި ވާހަކަ ދައްކައެވެ.
ކޮންމެ ދުވަހެއްގެ ކެއުމުގައި އަނުޝްކާ އޭނާގެ ޑައިޓް ބައްޓަންކުރަނީ އޭނާގެ މަސައްކަތުގެ ބާވަތަށް ބަލައިގެންނެވެ. ނަމަވެސް އޭނާގެ ކެއުމުގައި ހަށިގަނޑަށް ބޭނުންވާ ޒަރޫރީ ނިއުޓްރިއެންޓްސް އެކުލެވިގެންވެއެވެ.
އަނުޝްކާ ދުވާލަކު ފަސް ކެއުން ކައެވެ. އަދި އޭނާގެ ކެއުމަކީ އާންމުގޮތެއްގައި ވަރަށް އާދައިގެ ކެއުންތަކެވެ. އެގޮތުން ހެނދުނުގެ ނާސްތާގެ ގޮތުގައި ދުވަސް ފަށަނީ ޖޫހާއި ޗިއާ ސީޑްސް އަދި ބިހާއެކު ޓޯސްޓް ނުވަތަ ތާޒާ މޭވާ ކައިގެންނެވެ. އަނުޝްކާއަކީ މުޅި ދުވަހު ކުދި ކުދި ކެއުންތައް ކެއުމަށް ގަބޫލުކުރާ މީހަކަށް ވާތީ، އާންމުކޮށް އޭނާގެ މިޑް-ޑޭ ސްނެކެއްގެ ގޮތުގައި ޗީޒް ޓޯސްޓް އާއެކު ލުބޯ ނުވަތަ ކުރުބާ ފެން ބޮއެވެ. އަދި މެންދުރުގެ ކެއުމުގެ ގޮތުގައި ޗަޕާޓީ، މުގު، ތަރުކާރީ އަދި ސެލެޑް ފަދަ އާދައިގެ ކުއުމެއް އޭނާ އަށް ވަރަށް ކަމުދެ އެވެ. ބޭރުން ގަންނަ ސްނެކްއަށްވުރެ ބޮޑަށް އަނުޝްކާ ޚިޔާރުކުރަނީ ސެލެޑާއި ސޫޕެވެ. ނަމަވެސް ބައެއް ދުވަސްތަކުގައި ބަތް ހިމެނޭ ޑިޝްތަށްވެސް އޭނާ ޚިޔާރުކުރެއެވެ.
އަނުޝްކާ ބުނާ ގޮތުގައި އޭނާއަށް އެތަށް ދުވަހެއް ވަންދެން އެއް ކެއުންތަކެއް ކެވިދާނެ ކަމަށެވެ. ރޭގަނޑުގެ ކެއުމަށް އެއް މަސް ދުވަސް ވަންދެން ކިޗިޑީ އާއި ބައިގަން ބަޖާ އަދި މަދުވެގެން ހަ މަސް ވަންދެން ހެނދުނުގެ ނާސްތާގެ ގޮތުގައި އިޑްލީ ސަމްބަރް ކެއި ކަމަށް އޭނާ ބުނެއެވެ.
އޭނާގެ ޑައިޓް ޕްލޭނާ ބެހޭ ގޮތުން އިތުރަށް ބުނީ އޭނާ އަކީ ގްލޫޓަން، ހަކުރު، ކިރު އަދި ކިރުގެ ބާވަތްތައް ބޭނުން ނުކުރާ މީހެއް ކަމަށެވެ. އެބާވަތްތަކުގެ ބަދަލުގައި އޭގެ އަލްޓަނޭޓިވްސް ބޭނުންކުރާކަމަށެވެ.
މިފަހަރު އަނުޝްކާގެ މި ޑައިޓް ޕްލޭންގެ އަޖުމަބަލާލުން ކިހިނެއްވާނެބާ?
ފަހުގެ
