މާލޭގެ މަގުތަކުގެ ފެންހިންދާ ނިޒާމް އަޕްގްރޭޑް ކުރުމާގުޅޭ ސަރވޭތައް ކުރުމަށް ޖަޕާން އިންޓަނޭޝަނަލް ކޯޕަރޭޝަން އޭޖެންސީއާއެކު އެއްބަސްވުމެއްގައި ސޮއިކޮށްފިއެވެ.

މި އެއްބަސްވުމުގެ ދަށުން ޖައިކާގެ ހިލޭ އެހީގެ ދަށުން، މާލޭ އެއްގަމު ތޮށި އަޕްގްރޭޑް ކުރުމާއި މާލޭގެ ފެންހިންދާ ނިޒާމް އަޕްގްރޭޑް ކުރުމާ ގުޅޭ ސަރވޭތައް ކުރުމަށް ވަނީ ހަމަޖެހިފައެވެ.

މި މިނިސްޓްރީ އާއި ޖަޕާން އިންޓަނޭޝަނަލް ކޯޕަރޭޝަން އޭޖެންސީ (ޖައިކާ) އާ ދެމެދު ފަހުމުނާމާއެއްގައި މިއަދު ސޮއިކޮށްފި. pic.twitter.com/bFfOuxR36I

— Min.of National Planning, Housing & Infrastructure (@MoNPHImv) October 13, 2022

މި އެއްބަސްވުމުގައި ޕްލޭނިން މިނިސްޓްރީން ސޮއިކުރެއްވީ ޕާމަނަންޓް ސެކެރަޓެރީގެ ޒިންމާތަކާ ހަވާލުވެހުންނެވި ޑިރެކްޓަރ ޖެނަރަލް އަޙްމަދު ޠަލްހަތެވެ. އަދި ޖަޕާނު އިންޓަނޭޝަނަލް ކޯޕަރޭޝަން އެޖެންސީން ސޮއިކުރެއްވީ ޕްރިޕަރޭޓަރީ ސާވޭ ޓީމުގެ ލީޑަރ ހިޑެއަކީ މަޓްސުމޯޓޯއެވެ.