ފުލުހުންގެ ބެލުމުގެ ދަށަށް ގެނެވިފައި ހުރި ގިނަ އަދަދެއްގެ ބަނގުރާ ދޫނިދޫގައި ރަސްމީކޮށް ނައްތާލައިފިއެވެ.

މި ތަކެއްޗަކީ ފުލުހުންގެ ޚިދުމަތަށް ހުށަހެޅިފައިވާ މައްސަލަތަކުގެ ތެރެއިން ޑްރަގް އެންފޯސްމަންޓުގެ ބެލުމުގެ ދަށަށް ގެނެވުނު ތިން އިންސިޑެންޓެއްގައި ހިމެނޭ ތަކެއްޗެވެ.

މި އޮކްޓޫބަރު މަހުގެ 5 ވަނަ ދުވަހު ދޫނިދޫގައި ނައްތާލާފައިވާ ތަކެތީގެ ތެރޭގައި ހިމެނެނީ:

• 500 އެމްއެލްގެ 2،547 ފުޅި ބަނގުރާ
• 5 ލީޓަރުގެ 23 ފުޅި ބަނގުރާ
• އެހެނިހެން ތަކެތީގެ ގޮތުގައި ހިމެނޭ 9 އައިޓަމެއް (މީގެ ތެރޭގައި ޕްލާސްޓިކް ޓައްޕު ހިމެނެއެވެ)

މި ތަކެތި ނައްތާލުމުގެ މަސައްކަތް ކުރިއަށް ގެންގޮސްފައިވަނީ، ފުލުހުންގެ ބެލުމުގެ ދަށަށް ގެނެވޭ ބަނގުރަލާއި ބަނގުރަލުގެ މައްސަލަތަކާ ގުޅިގެން ހިފެހެއްޓޭ ތަކެތި ނައްތާލުމުގައި ޢަމަލުކުރާނެ ގޮތުގެ ޤަވާޢިދުގެ ދަށުން ޚާއްޞަކޮށް އެކުލަވާލެވިފައިވާ ކޮމިޓީގެ ސީދާ ބެލުމުގެ ދަށުންނެވެ.