ރާއްޖެއަށް ކުރަމުންދާ ވިއްސާރަ ދުވަސްވަރު ނިމި، މޫސުން ރަނގަޅުވާން ފެށުމާއެކު، މިއީ ގޭގެ ގޯތިތެރޭގައި ފަތްޕިލާވެލި ހައްދަން ފަށަން އެންމެ ރަނގަޅު ވަގުތެވެ.

ގިނަ ދުވަސްތަކެއް ވަންދެން މަޑުކުރަން ނުޖެހި، މަދު ހަފްތާތަކެއްގެ ތެރޭގައި ކަނޑައިގެން ބޭނުންކުރެވޭނެ ބައެއް ބާވަތްތަކަށް ބަލާލާނަމެވެ.

1. އަރޫގުލާ

މިއީ ސެލެޑް ހަދަން ވަރަށް ކަމުދާ، މަސްޓަރޑް އާއިލާގެ ފަތެކެވެ. މިއީ ވަރަށް އަވަހަށް ހެދޭ ފަތެކެވެ. އޮށް އިންދާތާ 6-2 ހަފްތާގެ ތެރޭގައި މީގެ ފަތް ބޭނުންކުރަން ފެށޭނެއެވެ.

2. ސްޕިނެޗް

ވަރަށް ގިނަ ރެސިޕީތަކަށް ބޭނުންކޮށްލެވޭ މި ފަތަކީ ވެސް ވަރަށް ފަސޭހައިން ހައްދާލެވޭ ފަތެކެވެ. ގާތްގަނޑަކަށް މަހެއް ނުވަތަ 2 މަހެއްހާ ދުވަހުގެ ތެރޭގައި ސްޕިނެޗްގެ ފަތްތައް ބޮޑުވެ، ކެއުމަށް ބޭނުންކުރެވޭނެއެވެ. މިއީ ސިއްހަތަށްވެސް ވަރަށް ފައިދާހުރި ފަތެކެވެ.

3. ބޮކް ޗޯއި

ސޫޕް އަދި ނޫޑްލްސް ފަދަ ތަކެތި ހަދާއިރު ބޭނުންކުރަން އެންމެ މީރު އެއް ފަތަކީ ބޮކް ޗޯއިއެވެ. ކެބެޖް އާއިލާއަށް ނިސްބަތްވާ މި ފަތް އިންދާތާ 45 ދުވަހުގެ ތެރޭގައި ފުރިހަމައަށް ބޮޑުވާ، ފިންޏަށް ގަދަ ފަތެކެވެ.

4. ލެޓިއުސް

އާންމުކޮށް ސެލެޑް ހަދަން ބޭނުންކުރާ ލެޓިއުސްއަކީވެސް ވަރަށް ފަސޭހައިން ހައްދާލެވޭ ފަތެކެވެ. އެގޮތުން އިންދާތާ 8-3 ހަފްތާގެ ތެރޭގައި ބޭނުންކުރަން ފެށޭނެއެވެ.

މި ފަތްޕިލާވެލީގެ ބާވަތްތަކަކީ ގޭގެ ގޯތިތެރޭގައި ނުވަތަ ޕޮޓުގައިވެސް ފަސޭހައިން ހައްދާލެވޭނެ ތަކެއްޗެވެ.