މަޑުއްވަރީ ބަނދަރު ތަރައްޤީ ކުރުމުގެ މަޝްރޫއުގެ މަސައްކަތް ނިމުމަކާ ގާތަށް

ރ. މަޑުއްވަރީ ދެކުނު ބަނދަރު ތަރައްޤީކުރުމުގެ މަޝްރޫޢުގެ 90 އިންސައްތަ މަސައްކަތް ނިންމާލައިފިއެވެ.

މަޑުއްވަރީ ބަނދަރު ތަރައްޤީކުރަމުން އަންނަ އެމްޓީސީސީން ބުނީ މަޑުއްވަރީ ބަނދަރު ތަރައްޤީކުރުމުގެ މަޝްރޫޢުގެ 90 އިންސައްތަ މަސައްކަތް މިހާރު ނިންމާލައިފައިވާ ކަމަށެވެ.

68.6 މިލިއަން ރުފިޔާގެ މި މަޝްރޫއުގެ ދަށުން 7،280 އަކަ މީޓަރުގެ ސަރަހައްދެއްގެ ނެރު ފުންކުރުމާއި 65،520 އަކަ މީޓަރުގެ ސަރަހައްދެއްގެ ފުންކުރުމާއި 411 މީޓަރުގެ ބޭރު ތޮއްޓަކާއި 566 މީޓަރުގެ އެއްގަމު ތޮއްޓެއްލުން ހިމެނެއެވެ.

އޭގެ އިތުރުން 135 މީޓަރުގެ ސަރަހައްދެއްގައި ރިވެޓްމަންޓް ޖެހުމާއި ނެރު ބައްތި އާއި މަގު ބައްތި ހަރުކުރުމާއި 2،825 އަކަ މީޓަރު ސަރަހައްދެއްގައި ޕޭވްމަންޓް ހެދުން ހިމެނެއެވެ.