މިރޭވެސް ހުޅުމާލޭގައި ހަވާއަރުވާނެ!

ހުޅުމާލޭގައި މިހާރު ކުރިއަށްދާ މޯލްޑިވްސް ފައިނޭންޝަލް އެކްސްޕޯއާ ދިމާކޮށް، މިރޭ ވެސް ހަވާ އެރުވުމަށް ނިންމާައިފި އެވެ.

އެމްއެންޑީއެފުން ބުނީ މިރޭ ހަވާއެރުވުން ކުރިޔަށްދާނީ މިރޭ 22:00 ހާއިރު، ހުޅުމާލޭގެ އިރުމަތީ ފަރާތު ބޭރުން މޫދާ ދިމާލުގައި ކަމަށެވެ.

ރޭވެސް ހުޅުމާލޭގައި ހަވާ އެރުވީ ހަމަ އެސަރަހައްދުންނެވެ.

އެމްއެންޑީއެފުން ބުނީ މިރޭވެސް ހަވާ އެރުވުން ކުރިއަށްދާނީ ގާތްގަނޑަކަށް 3 މިނެޓަށް ހާއިރުކަމަށެވެ.

މޯލްޑިވްސް ފައިނޭންޝަލް އެކްސްޕޯއަކީ ރާއްޖޭގެ މާލީ ދާއިރާ ކުރިއެރުވުމަށާއި، ބޭންކުތަކާއި މާލީ އިދާރާތަކުން ދޭ ޚިދުމަތްތައް އާންމުންނަށް ދައްކާލުމަށް ބާއްވާ ވަރަށް މުހިންމު އެކްސްޕޯއެކެވެ.