logoEN
Sto top
އެމްއޭސީއެލްގެ އަމާޒަކީ ޖުލައި މަހުގެ ތެރޭގައި ވީއައިއޭގެ އައު ޓާމިނަލް އޮޕަރޭޝަނަށް ގެނައުން!

އެމްއޭސީއެލްގެ އަމާޒަކީ ޖުލައި މަހުގެ ތެރޭގައި ވީއައިއޭގެ އައު ޓާމިނަލް އޮޕަރޭޝަނަށް ގެނައުން!

އަހުމަދު ޝުރާއު

logo

2/9/2025, 5:39:19 PM

# ވީއައިއޭ# އެމްއޭސީއެލް

--

ރާއްޖޭގެ މައި އެއާޕޯޓު ވެލާނާ އިންޓަނޭޝަނަލް އެއާޕޯޓުގެ މަސައްކަތް ނިންމައި އަންނަ ޖުލައި މަހުގެ ތެރޭގައި އެއާޕޯޓު އޮޕަރޭޝަނަށް ގެނައުމަށް މަސައްކަތްކުރަމުންދާކަން އެއާޕޯޓު ހިންގާ މޯލްޑިވްސް އެއާޕޯޓްސް ކޮމްޕެނީ ލިމިޓެޑް, އެމްއޭސީއެލުން ހާމަކޮށްފައި އެވެ.

Wamco

މެދުއިރުމަތީގެ ތަފާތު ހަތަރު ފަންޑަކުން ލޯނު ހަމަޖައްސައިގެން ކުރިޔަށްގެންދާ އައު ޓާމިނަލް މަޝްރޫއަކީ އަހަރަކު 7 މިލިއަން ދަތުރުވެރިންނަށް ހިދުމަތް ދެވޭ ފެންވަރަށް ތަރައްޤީކުރަމުންދާ ޓާމިނަލް އެކެވެ. ރައީސް ޔާމީންގެ ވެރިކަމުގައި ފެށި މި މަޝްރޫއުގެ މަސައްކަތް މަޑު ދުވެއްގައި ދިޔަ ނަމަވެސް ރައީސް ޑރ މުހައްމަދު މުއިއްޒުގެ ޒައާމަތާއި އެކު މި މަޝްރޫއުއަށް އިތުރު އިސްކަމެއްދީ މަސައްކަތް ނިންމައި އޮޕަރޭޝަނަށް ގެނައުމަށް ދަނީ މަސައްކަތްކުރަމުންނެވެ.

އެގޮތުން ކުރުނބާ މޯލްޑިވްސްގައި މިއަދު ފެށި 33 ވަނަ މަޓީގެ އާންމު ޖަލްސާގައި މި މަޝްރޫއުއާއި ގުޅޭގޮތުން އެމްއޭސީއެލުން ދިން ޚާއްސަ ޕްރެސެންޓޭޝަނުގައި އެކުންފުނީގެ ޑެޕިއުޓީ ޗީފް އޮފިސަރު އިބްރާހިމް އަލީ ހަބީބު ވިދާޅުވީ މި މަޝްރޫއުގެ ދަށުން ކުރިޔަށް ގެންދާ އެންމެ ބޮޑު އެއް ޑިވެލޮޕްމެންޓު ކަމަށްވާ އައު ޓާމިނަލްގެ އެއިރޯ ބްރިޖުތައް ހަރުކުރުމުގެ މަސައްކަތް މިހާރު ނިމި އަންނަ މަހުގެ ތެރޭގައި އެ އޭރޯ ބްރިޖުތަކުގެ ޓެސްޓިންގ މަރުހަލާތައް ފެށޭނެ ކަމަށެވެ.

އަދި ޓާމިނަލް ތެރޭގައި 50 އިންސައްތައަށްވުރެ ބޮޑު މަސައްކަތް މިހާރު ނިމި ޓާމިނަލް ބޭރުގެ ގިނަ މަސައްކަތްތަކެއްވެސް މިހާރު ނިމިފައިވާކަން އިބްރާހީމް އަލީ ހަބީބުގެ ޕްރެސެންޓޭޝަންގައި ހާމަކުރެއްވި އެވެ.

އަދި މި މަޝްރޫއުގެ މަސައްކަތް ކުރިޔަށްދަނީ ތާވަލާއި އެއްގޮތަށް ކަމަށާއި މިއަހަރުގެ ޖުލައި މަހުގެ ތެރޭގައި ޓާމިނަލް އޮޕަރޭޝަނަށް ގެނައުމަށް ވާންޖެހޭ ތައްޔާރީތައް އެމްއޭސީއެލްއާއި ޓާމިނަލްގެ އޮޕަރޭޝަނަށް ބޭނުންވާ ފަރާތްތަކާއި އެކު މިހާރު ކުރަމުންދާކަން ވެސް ހަބީބް ފާހަގަކުރެއްވި އެވެ.

އާ ޓާމިނަލްގެ މަސައްކަތް ނިންމޭނެކަމަށް ކޮންޓްރެކްޓަރުން ދީފައިވާ ތާރީޚަކީވެސް މިއަހަރުގެ ދެވަނަ ކުއާޓަރެވެ. ވީއައިއޭގެ އާ ޓާމިނަލް އިމާރާތް ކުރަން ހަވާލުކުރީ ސައުދި އަރަބިއްޔާގެ ބިން ލާދިން ގްރޫޕާއެވެ. އެ ކުންފުނިން އެ މަސައްކަތް ކުރަނީ ޗައިނާ ހާބާ އިންޖިނިއަރިން ކޮމްޕެނީ (ސީއެޗްއީސީ)އާ ހަވާލުކޮށްގެންނެވެ.

Maldivian
ކޮމެންޓް
Maldivian
ފަހުގެ
STELCO Inside