ކުރިޔަށް އޮތް ގަޑިއިރުތަކުގެ ތެރޭގައި އިރާނުން އިޒްރޭލަށް ހަމަލާދޭން ފަށާނެ ކަމަށް ބޭރުގެ ރިޕޯޓުތައް ބުނެފި އެވެ.
އެމެރިކާގެ ނޫހެއް ކަމަށްވާ އެކްސިއޯސް އިން މިއަދު ވަނީ އެމެރިކާ ސަރުކާރުގެ އިސް އޮފިޝަލަކާއި ހަވާލާދީ އިރާނުން އިޒްރޭލަށް ހަމަލާދޭން ތައްޔާރުވެަފައިވާކަން ރިޕޯޓުކޮށްފައެވެ.
އެކްސިއޯސްއިން ރިޕޯޓު ކުރާ ގޮތުގައި އީރާނުގެ ހަމަލާގެ އިންޒާރު އިޒްރޭލުގެ އިންޓެލިޖެންސަށް ލިބިފައިވަނީ އިޒްރޭލު ގަޑިން މިއަދު މެންދުރު އެވެ. އެގޮތުން އިރާނު އިންޓެލިޖެންސްގެ އިސް އޮފިޝަލަކާއި ހަވާލާދީ އެނޫހުން ރިޕޯޓުކުރާ ގޮތުގައި ކުރިއަށް އޮތް ގަޑިއިރުތަކުގެ ތެރޭގައި އިރާނުން ހަމަލާ ދޭން ފަށާނެ އެވެ.
އަދި މިއާއި އެކު އިޒްރޭލުގެ ބޮޑުވަޒީރު އަނިޔާވެރި ނަތަންޔާހޫ މިހާރު ވަނީ އިޒްރޭލުގެ ކުއްލި ކެބިނެޓް ބައްދަލުވުމަކާއި ސަލާމަތީ މަޖިލީހުގެ ބައްދަލުވުމެއްވެސް ބާއްވާފައި އެވެ.
އެމެރިކާގެ އޮފިޝަލަކު ބުނިގޮތުގައި މި ހަމަލާއިން އިސްރާއީލު ދިފާއުކުރުމަށް ޑިފެންސިވް ތައްޔާރީތަކަށް އަމަލީ ގޮތުން އެއްބާރުލުން ދެމުން އަންނަ ކަމަށެވެ. އިޒްރޭލުން ސީދާ އީރާނުން އަސްކަރީ ހަމަލާއެއް ދީފިނަމަ އީރާނަށް ބޮޑެތި ގެއްލުންތަކެއް ކުރާނެ ކަމުގެ އިންޒާރުވެސް އޮފިޝަލް ވަނީ އެމެރިކާ ސަރުކާރުގެ ފަރާތުން ދީފައި އެވެ.
ހިޒްބުالله ގެ ލީޑަރު ހަސަން ނަސްރަالله އާއި އެކު މިދިޔަ ހުކުރު ދުވަހު ޝަހީދުކޮލި ގުދުސް ފޯސްގެ އިސް ކޮމާންޑަރެއް ކަމަށްވާ އައްބާސް ނިލްފޯޝަން މަރާލުމުގެ ބަދަލު ހިފާނެ ކަމަށް އީރާނުން ވަނީ ބުނެފައި އެވެ.
ފަހުގެ
