ރާއްޖޭގައި ބާއްވާ އެންމެ އަގުބޮޑު ފުޓްސެލް މުބާރާތުގައި ބައިވެރިވުމުގެ ފުރުސަތު ޖުލައި މަހު 31 ގެ ނިޔަލަށް

ރާއްޖޭގައި މިހާތަނަށް ބާއްވާ އެންމެ އަގުބޮޑު ފުޓްސަލް މުބާރާތް " ގައްދޫ ކައުންސިލް ފުޓްސަލް ޗެލެންޖް 2024" ގައި ބައިވެރިވުމުގެ ފުރުސަތު ޖުލައި މަހު 31 ގެ ނިޔަލަށް ހަމަވާނެއެވެ.

މިމުބާރާތަކީ 2022 ވަނަ އަހަރުން ފެށިގެން ގައްދޫގެ ޒުވާނުންގެ މެދުގައި އެކުވެރިކަމާއި އެއްބައިވަންތަކަން އާލާކޮށް ކުޅިވަރުގެ ތެރެއިން ދުޅަހެޔޮ މުޖުތަމައެއް ބިނާކުރުމުގެ މަގުސަދުގައި، ގައްދޫ ކައުންސިލްގެ ފަރާތުން އިންތިޒާމުކޮށް ގައްދޫ އަންހެނުންގެ ތަރައްގީއަށް މަސައްކަތްކުރާ ކޮމެޓީއާއި ގުޅިގެން ކޮންމެ އަހަރަކު ބާއްވަމުން އަންނަ މުބާރާތެކެވެ. އަދި މިއަހަރުގެ މުބާރާތް ވެސް ކުރިއަށް ގެންދިއުމަށް ހަމަޖެހިފައި ވަނީ ތިން ޑިވިޝަނަކަށް ބަހާލައިގެންނެވެ.

އެގޮތުން މިމުބާރާތުގައި އަންހެން އަދި ފިރިހެން ޑިވިޝަނުގެ އިތުރުން ޖޫނިއާ ފިރިހެން ޑިވިޝަނުގެ އިނާމު ފައިސާގެ ގޮތުގައި ޖުމްލަ 4،35،500 ރުފިޔާގެ ފައިސާގެ އިނާމު ހުށަހަޅާފައިވާއިރު، މިއީ ތަފާތު ހިސާބުތަކުން ދައްކާގޮތުގައި ރާއްޖޭގައި މިހާތަނަށް ބާއްވާ އެންމެ އަގުބޮޑު ފުޓްސަލް މުބާރާތެވެ.

މުބާރާތުގެ ޑިވިޝަންތަކަށް ފައިސާގެ އިނާމު ހުށަހަޅާފައިވާ ގޮތުގެ ތަފްސީލް

ފިރިހެން ޑިވިޝަން:

1. އެއްވަނަ ޓީމް: 155,000.00 ރުފިޔާ
2. ދެވަނަ ޓީމް:80,000.00 ރުފިޔާ
3. ތިންވަނަ ޓީމް:40,000.00 ރުފިޔާ
4. ފުޓްސަލް ކިންގް:10,000.00 ރުފިޔާ

އަންހެން ޑިވިޝަން:

1. އެއްވަނަ ޓީމް:50,000.00 ރުފިޔާ
2. ދެވަނަ ޓީމް:25,000.00 ރުފިޔާ
3. ތިންވަނަ ޓީމް:15,000.00 ރުފިޔާ
4. ފުޓްސަލް ކުއީން:8,000.00 ރުފިޔާ

ޖޫނިއަރ ޑިވިޝަން:

1. އެއްވަނަ ޓީމް:25,000.00 ރުފިޔާ
2. ދެވަނަ ޓީމް:15,000.00 ރުފިޔާ
3. ތިންވަނަ ޓީމް:7,500.00 ރުފިޔާ
4. ފުޓްސަލް ޕްރިންސް:5,000.00 ރުފިޔާ