ރަޝިޔާއިން ޔޫކްރެއިންއަށް އަރައި ކުރަމުންދާ ހަނގުރާމައަށް އެތަކެއް ދުވަސްތަކެއް ވެފައިވާއިރު، ހަނގުރާމައިގެ ސަބަބުން ޔޫކްރެއިންއަށް ވަނީ ބޮޑެތި ގެއްލުންތަކެއް ލިބިފައެވެ.

މީސްްމީޑިއާގައި މިހާރު ދައުރުވަމުންދާ ވީޑިއޯއަކުން ޔޫކްރެއިންގެ މަގެއްގެ މަތީގައި ހިނގާފައި ދިޔަ އަންހެން ކުއްޖެއް ރަޝިޔާގެ ހަމަލާއަކުން ހަނި ގޮތަކަށް ސަލާމަތްވާ މަންޒަރު ފެނެއެވެ.

އެގޮތުން ރަޝިޔާއިން ޔޫކްރެއިންގެ ސިޓީއަކަށް ހަމަލާދެމުންދިޔަ ވަގުތަކު މި އަންހެން ކުއްޖާ ދިޔައީ ވީޑިއޯ ކުރަމުން އެވަގުތުގެ ހާލަތު ކިޔައިދެމުންނެވެ. އެހަމަލާ އަމާޒުވެފައިވަނީ އެކުއްޖާއާއި ވަރަށް ގާތުގައި ހުރި ތަނަކަށެވެ.

އެވީޑިއޯއިން ރަޝިޔާއިން ދިން ހަމަލާއަކުން އެކުއްޖާ އަށްް އެއްވެސް އަނިޔާއެއް ނުލިބި ސަލާމަތްވާ މަންޒަރުފެނެއެވެ.