ސިވިލް ސާވިސް ކޮމިޝަން (ސީއެސްސީ)ގެ ލީގަލް އެފެއާޒް އެންޑް ސިވިލް ސަރވިސް އެމްޕްލޯއީ ރިލޭޝަންސް ޑިވިޝަންގެ ކައުންސެލް ޖެނެރަލްގެ މަޤާމަށް ބޭފުޅަކު އައްޔަނު ކުރައްވައިފިއެވެ.

އެ މަޤާމަށް އައްޔަނު ކުރައްވާފައިވަނީ އުސްތާޛު އިބްރާހިމް ރަޝީދެވެ. ސިވިލް ސަރވިސް ކޮމިޝަނުން އޭނާ އެ މަޤާމަށް އައްޔަނު ކުރެއްވީ 17 ޖުލައި 2022 ގައެވެ.

ކައުންސިލް ޖެނެރަލްގެ މައިގަނޑު މަސްއޫލިއްޔަތަކީ ކޮމިޝަނަށް ބޭނުންވާ ޤާނޫނީ އެހީތެރިކަން ފޯރުކޮށްދިނުމެވެ.

އިބްރާހިމް ރަޝީދަކީ ޤައުމީ ޔުނިވަރސިޓީން ބެޗެލަރ އޮފް ޝަރިއާ އެންޑް ލޯ ޙާސިލު ކުރައްވާފައިވާ ފަރާތެކެވެ. އޭގެ ފަހުން ވިލާ ކޮލެޖުން މާސްޓަރސް އިން ޝަރިއާ އެންޑް މާސްޓަރސް އިން ޝަރިއާ އެންޑް ލޯ ޙާސިލު ކުރައްވާފައިވެއެވެ.

އޭނާ ވަނީ މޯލްޑިވްސް ކަސްޓަމްސް ސަރވިސްގައި 9 އަހަރު މަސައްކަތް ކުރައްވާފައެވެ. ކަސްޓަމްސްގައި ސުޕްރިންޓެންޑެންޓުގެ މަޤާމުގައި ޤާނޫނީ ވަކީލެއްގެ ގޮތުގައި މަސައްކަތް ކުރައްވާފައެވެ.

އޭގެ އިތުރުން، ދިވެހިރާއްޖޭގެ އިސްލާމިކް ޔުނިވަރސިޓީގައި ފުލްޓައިމް ލެކްޗަރަރ އެއްގެ ގޮތުގައިވެސް މަސައްކަތް ކުރައްވާފައިވެއެވެ.