ކަނޑައެޅިފައިވާ ވަކި އަދަދެއް ނުވަތަ އެއްވެސް ލިމިޓެއް ނެތި އަމިއްލަ އުޅަނދުތަކުގައި ގައު ކުނޑި އުކާލުމުގެ އިންތިޒާމު ވޭސްޓް މެނޭޖްމަންޓް ކޯޕަރޭޝަން - ވެމްކޯއިން ހަމަޖައްސައިފިއެވެ.ވެމްކޯއިން ބުނީ، މާލެ އަދި ހުޅުމާލެގައި ވެމްކޯއިން ދެމުންގެންދާ ގައުކުނޑި އުކާލުމުގެ ޚިދުމަތް މިހާރަށްވުރެ އަވަސް އަދި ފަސޭހަ ނިޒާމަކުން ފޯރުކޮށްދިނުމުގެ މަޤުޞަދުގައި މިއަދުން ފެށިގެން އެއްވެސް "ލިމިޓެއްނެތި" އަމިއްލަ އުޅަނދުތަކުގައި މާލެ އަދި ހުޅުމާލެ ވެމްކޯގެ ރިސޯސް ރިކަވަރީ ސެންޓަރަށް ގެނެސް ކުނި އުކާލުމުގެ އިންތިޒާމު ހަމަޖައްސާފައިވާ ކަމަށެވެ.އެ ކޯޕަރޭޝަނުން ބުނީ ، އުކާލަން ގެންނަ ކުނި ހުންނަން ވާނީ އެކުންފުނިން ކަނޑައަޅާފައިވާ މިންގަނޑުތަކަށް ކުނި ވަކިކޮށްފައި ކަމަށެވެ.މި ޚިދުމަތަށް ލުއި ގޮތްތަކެއް ހަމަޖެއްސިއިރު، މީގެ ހަފުތާއެއްހާ ދުވަސް ކުރިން ވަނީ، ހުޅުމާލޭން ގައު ކުނޑި އުކާލުމަށް ދަތިތަކެއް ހުރިކަމުގެ ކަންބޮޑުވުންތަކެއް ފެންމަތިވެފައެވެ. ވެމްކޯއިން މީގެކުރިން މި ޚިދުމަތް ދެމުން ދިޔައީ އެ ކުންފުނީގެ ވެހިކަލްގެ ކެޕޭސިޓީ ހުރި މިންވަރަށް ބަލައި، ކޮންމެ ދުވަހަކުވެސް ވަކި ލިމިޓެއްގައެވެ.އެއްވެސް ލިމިޓެއްނެތި އަމިއްލަ އުޅަނދުތަކުގައި ގައު ކުނޑި އުކާލުމުގެ އިންތިޒާމު ހަމަޖައްސާފައިވާއިރު އެކަމަށް ޚާއްސަ ކޮޅުވެއްޓިތަކެއްވެސް ވެމްކޯއިމް ވަނީ ހަމަޖައްސާފައެވެ.

މާދަމާއިން ފެށިގެން ހުޅުމާލޭންވެސް މި ޚިދުމަތް ދާނީ ދަތިކަމެއް ނެތި ފޯރުކޮށްދެމުންނެވެ.