90 ގެ އަހަރުތަކުގައި ބެލުންތެރިންގެ މެދުގައި ބޮޑު މަޤުބޫލުކަމެއް ހޯދި ކޮމެޑީ ސިލްސިލާ "ސެބްރީނާ ދަ ޓީންއޭޖް ވިޗް" ގެ ތަރިން، އެ ޝޯއަށް 30 އަހަރު ފުރޭ މުނާސަބަތުގައި ޚާއްޞަ 'ރީޔޫނިއަން ޓުއަރ' އެއް ބާއްވަން ނިންމައިފިއެވެ.

މި ޓުއަރގެ ސަބަބުން މި ޝޯގެ ފޭނުންނަށް އެމީހުންގެ އެންމެ ކަމުދާ ތަރިންނާ ބައްދަލުކޮށްލުމުގެ ފުރުސަތު ލިބިގެންދާނެއެވެ.

1996 ވަނަ އަހަރު ދައްކަން ފެށި މި ޝޯގެ ލީޑު ރޯލުން ފެނިގެންދިޔަ މެލިސާ ޖޯން ހާޓްގެ އިތުރުން ޝޯގެ އެހެނިހެން މުހިންމު ތަރިންވެސް މި ޓުއަރގައި ބައިވެރިވާނެކަމަށް ބެލެވެއެވެ.

މި ރީޔޫނިއަން ޓުއަރއަކީ ސެބްރީނާގެ ޖާދުވީ ދުނިޔޭގެ ހަނދާންތައް އާކޮށްލަން ފޭނުންނަށް ލިބޭނެ ވަރަށް ރަނގަޅު ފުރުސަތެކެވެ.

މީގެ 30 އަހަރު ކުރިން ފެށި މި ޝޯއަކީ މިއަދުވެސް ގިނަ ބައެއްގެ ހިތްތަކުން ޖާގަ ހޯދާފައިވާ، އަދި ގިނަ ބައެއްގެ ކުޑައިރުގެ ހަނދާންތަކާ ގުޅިފައިވާ ޝޯއެކެވެ.