ކުޑަކުދިންނާއި ބޮޑެތި މީހުންގެ މެދުގައިވެސް ބޮޑު މަޤުބޫލުކަމެއް ހޯދި އެނިމޭޓެޑް ސީރީޒް "އެޑްވެންޗަރ ޓައިމް" ގެ ވާހަކަތައް ހިމެނޭ އާ ކޮމިކް ފޮތްތަކެއް "އެޑްވެންޗަރ ޓައިމް ޑިލަކްސް ކޮމިކްސް ލައިބްރަރީ" ގެ ނަމުގައި އޯނީ ޕްރެސް އިން ނެރެން ތައްޔާރުވެއްޖެއެވެ.

މީގެ ފުރަތަމަ މަންޒަރުތައް މިހާރު ވަނީ އާންމުކޮށްފައެވެ.

މި އާ ކަލެކްޝަނަކީ ކުރިން ނެރެފައިވާ އެޑްވެންޗަރ ޓައިމްގެ ކޮމިކްތައް އެއްކޮށްލައިގެން،ޑިލަކްސް ފޯމެޓެއްގައި ތައްޔާރުކޮށްފައިވާ ފޮތްތަކެކެވެ.

އާންމުކޮށްފައިވާ ފޮޓޯތަކުން ފެންނަ ގޮތުގައި ފިން އާއި ޖޭކްގެ އާ އާދަޔާޚިލާފު ދަތުރުތަކާއި، ކާޓޫނުން ފެންނަ އެހެނިހެން މަޝްހޫރު ކެރެކްޓަރުންގެ މަންޒަރުތައް ވަރަށް ފުރިހަމައަށް ކުރެހުންތަކުން ދައްކުވައިދީފައިވެއެވެ.

އެޑްވެންޗަރ ޓައިމްގެ ކާޓޫނު ސީރީޒް ނިމުނު ނަމަވެސް، މި ކޮމިކް ފޮތްތަކުގެ ސަބަބުން ފޭނުންނަށް "ލޭންޑް އޮފް އޫ" ގެ ޖާދުވީ ދުނިޔޭގައި އާ ތަޖުރިބާތަކެއް ކުރުމުގެ ފުރުސަތު އަނެއްކާވެސް ލިބިގެންދާނެއެވެ.

މި ފޮތްތައް ނެރޭނެ ވަކި ތާރީޚެއް އަދި ހާމަކޮށްފައި ނުވި ނަމަވެސް، ކޮމިކްތަކަށް ލޯބިކުރާ ފަރާތްތަކުން ތިބީ މި ފޮތްތައް ނެރޭނެ ދުވަހަކަށް ކެތްމަދުވެފައެވެ.