ހޮލީވުޑްގެ މަޝްހޫރު އެކްޓަރ ބްރޫސް ވިލިސް، ދާދިފަހުން ކައިވެނިކުރި އޭނާގެ ދަރިފުޅު ތަލޫލާއާއެކު ނަގާފައިވާ ވަރަށް ލޯބި ފޮޓޯއެއް އާންމުވެއްޖެއެވެ.

މި ފޮޓޯއިން ފެނިގެންދަނީ އުމުރުން 71 އަހަރުގެ ބްރޫސް އޭނާގެ ދަރިފުޅާއެކު ވަރަށް އުފާވެރި ވަގުތުކޮޅެއް ހޭދަކުރާ މަންޒަރެވެ.

ސޯޝަލް މީޑިއާގައި އާންމުކޮށްފައިވާ މި ފޮޓޯއަށް ގިނަ ބައެއްގެ ސަމާލުކަން ވަނީ ލިބިފައެވެ.

ޚާއްޞަކޮށް ބްރޫސް ވިލިސްއަށް ސިއްހީ ބޮޑެތި މައްސަލަތަކަކާ ކުރިމަތިލާންޖެހިފައިވާ މި ދަނޑިވަޅުގައި، އޭނާ އާއިލާއާއެކު މިފަދަ އުފާވެރި ވަގުތުތައް ހޭދަކުރާ މަންޒަރު ފެނުމަކީ ފޭނުންނަށް ވަރަށް ބޮޑު ހިތްހަމަޖެހުމެއް ލިބިގެންދިޔަ ކަމެކެވެ.

ބްރޫސްގެ ބަލީގެ ހާލަތު އާއިލާއިން އާންމުކޮށްފައިވާއިރު، އޭގެ ފަހުން އޭނާ އާންމު ތަންތަނުން ފެންނަ މިންވަރު ވަނީ ވަރަށް ބޮޑަށް މަދުވެފައެވެ.

ނަމަވެސް އާއިލާގެ މެމްބަރުން ދޭތެރެދޭތެރެއިން އޭނާގެ މިފަދަ އުފާވެރި ފޮޓޯތައް ސޯޝަލް މީޑިއާގައި ހިއްސާކުރެއެވެ.