ޅ. ނައިފަރުން ގެއްލިގެން ހޯދަމުން ދިޔަ ކުއްޖާ ފެނިއްޖެއެވެ.

ފުލުހުން ބުނީ މުޙައްމަދު އަޙްޔާން ޙުސައިން، ނައިފަރު ގެއެއްގެ ތެރޭގައި ހުއްޓައި ފެނިފައިވާ ކަމަށާއި ކުއްޖާގެ ހާލު ރަނގަޅު ކަމަށެވެ.

ޅ. ނައިފަރު / ނޫކަނޑު، މުޙައްމަދު އަޙްޔާން ޙުސައިން ވީނުވީއެއް ނޭނގި ގެއްލިގެން ފުލުހުންނަށް ރިޕޯޓުކުރީ 2026 ސެޕްޓެމްބަރު 28ވަނަ ދުވަހުގެ ހަވީރު 5:30 އެހައިކަންހާއިރު ކަމަށް ފުލުހުން ބުނެއެވެ. އަދި މުޙައްމަދު އަޙްޔާން ޙުސައިން އެންމެ ފަހުން ފެނިފައިވަނީ ސެޕްޓެމްބަރު 27 ވަނަ ދުވަހު ކަމަށާއި، އޭގެ ފަހުން ޚަބަރެއް ނުވެގެން ފޯނަށް ގުޅުމުން ޖަވާބު ނުދޭތީ އާއިލާއިން އޭނާ ހޯދުމަށް ކުރި މަސައްކަތުން ފެނިފައިނުވާ ކަމަށް އާއިލާއިން ފުލުހުންނަށް މައުލޫމާތު ދީފައިވާކަމަށް ވަނީ ބުނެފައެވެ.