މަޝްހޫރު ވިކްޓޯރިއާސް ސީކްރެޓްގެ މޮޑެލް ބާބަރާ ޕަލްވިން އާއި އެކްޓަރ ޑިލަން ސްޕްރައުސްއަށް އެމީހުންގެ ފުރަތަމަ ދަރިފުޅު، އަންހެން ކުއްޖަކު ލިބިއްޖެއެވެ.

މި އުފާވެރި ޚަބަރު މި ދެމަފިރިން އާންމުކޮށްފައިވަނީ ހޯމަ ދުވަހު އިންސްޓަގްރާމް މެދުވެރިކޮށެވެ.

އިންސްޓަގްރާމްގައި ހިއްސާކޮށްފައިވާ ފޮޓޯގައި ފެންނަނީ، މި އާއިލާގެ ތިން މެމްބަރުން ލޮސް އެންޖަލިސް ޑޮޖަރސްގެ ޖާޒީ ލައިގެން ތިބޭ މަންޒަރެވެ.

މި ފޮޓޯގެ ކެޕްޝަންގައި ބާބަރާ ލިޔެފައިވަނީ، "މިއަހަރުގެ ލޭބަރ ޑޭ (މަސައްކަތްތެރިންގެ ދުވަސް) އަހަރެމެން މި ނެގީ ސީދާ އޭގެ އަސްލު މާނައިގައި" ކަމަށެވެ.

ބާބަރާ ބަލިވެއިންކަން ހާމަކޮށްފައިވަނީ މިއަހަރުގެ މެއި މަހު ބޭއްވި ކޭންސް ފިލްމު ފެސްޓިވަލްގެ ތެރެއިންނެވެ.