ރ. މަޑުއްވަރީގައި ބިދޭސީ އަންހެނަކަށް ހަމަލާދީ، މާރާމާރީ ހިންގުމަށްފަހު އޭނާގެ އަތުން ފައިސާ ފޭރުނު މައްސަލާގައި ހިމެނޭ ނޭޕާލް މީހާ ހައްޔަރުކޮށްފި އެވެ.

ފުލުހުން މި މައްސަލާގައި ހައްޔަރުކުރި މީހާގެ ފުރިހަމަ ވަނަވަރު ހާމަކޮށްފައިނުވިނަމަވެސް މި މައްސަލާގައި ހައްޔަރުކޮށްފައިވަނީ 24 އަހަރުގެ ނޭޕާލް ފިރިހެނެއްކަމަށް ބުންޏެވެ.

ފުލުހުން ބުނީ މައްސަލައާ ގުޅިގެން އޭނާގެ ބަންދާމެދު ގޮތެއް ނިންމުމަށް ކޯޓަށް ހާޒިރުކުރުމުން ފަސް ދުވަހަށް ބަންދުކުރުމަށް އަމުރުކޮށްފައިވާކަމަށެވެ.

މަޑުއްވަރީގައި ބިދޭސީ އަންހެނަކާ މެދު މާރާމާރީ ހިންގައި، އޭނާގެ އަތުން ފައިސާ ފޭރިގެންފައިވާ މައްސަލައެއް ފުލުހުންނަށް ރިޕޯޓުކޮށްފައިވަނީ ސެޕްޓެމްބަރު މަހުގެ 24 ވަނަ ދުވަހުގެ ހެނދުނު 06:04 އެހައިކަންހާއިރު ކަމަށް ފުލުހުން ބުނެފައިވެ އެވެ.

ފުލުހުން ބުނީ މި މައްސަލަ ތަހުގީގުކުރަމުންދާ ކަމަށެވެ.