ނައިފަރުން ކުއްޖަކު ގެއްލިގެން ހޯދަން ފަށައިފިއެވެ.

ދިވެހި ފުލުހުންގެ ހިދުމަތުން ބުނީ ޅ. ނައިފަރު / ނޫކަނޑު، މުޙައްމަދު އަޙްޔާން ޙުސައިން ވީނުވީއެއް ނޭނގި ގެއްލިގެން ފުލުހުންނަށް ރިޕޯޓުކުރުމާ ގުޅިގެން، އެ ކުއްޖާ ހޯދުމުގެ މަސައްކަތް ދިވެހި ފުލުހުންގެ ޚިދުމަތުން ކުރަމުން އަންނަކަމަށެވެ.

އުމުރުން 17 އަހަރުގެ މުޙައްމަދު އަޙްޔާން ޙުސައިން ގެއްލިގެން ނައިފަރު ޕޮލިހަށް ރިޕޯޓުކޮށްފައިވަނީ 2026 ސެޕްޓެމްބަރު 28ވަނަ ދުވަހުގެ ހަވީރު 5:30 އެހައިކަންހާއިރު ކަމަށް ފުލުހުން ބުނެއެވެ. އަދި މުޙައްމަދު އަޙްޔާން ޙުސައިން އެންމެ ފަހުން ފެނިފައިވަނީ ސެޕްޓެމްބަރު 27 ވަނަ ދުވަހު ކަމަށާއި، އޭގެ ފަހުން ޚަބަރެއް ނުވެގެން ފޯނަށް ގުޅުމުން ޖަވާބު ނުދޭތީ އާއިލާއިން އޭނާ ހޯދުމަށް ކުރި މަސައްކަތުން ފެނިފައިނުވާ ކަމަށް އާއިލާއިން ފުލުހުންނަށް މައުލޫމާތު ދީފައިވާކަމަށް ވަނީ ބުނެފައެވެ.

އެހެންވެ، މުޙައްމަދު އަޙްޔާން ޙުސައިންއާ ބެހޭ އެއްވެސް މައުލޫމާތެއް ލިބިފައިވާ ފަރާތެއް ވާނަމަ ޅ. ނައިފަރު ޕޮލިސްގެ ނަންބަރު 9792187 އަށް ނުވަތަ ފުލުހުންގެ ހޮޓްލައިން ނަންބަރު 3322111 އަށް ގުޅުއްވައި އެ މައުލޫމާތެއް ހިއްސާކުރުމަށް ވަނީ އެދިފައެވެ.