ބޮލީވުޑްގެ ކުޅަދާނަ އެކްޓަރ ނަވާޒުއްދީން ސިއްދީގީ އާއި ކާމިޔާބު ޑައިރެކްޓަރ ތިގްމާންޝޫ ދޫލިއާ، އައު ފިލްމެއްގެ މަސައްކަތަށް އަނެއްކާވެސް އެކުގައި ނުކުމެއްޖެއެވެ.

ރިޕޯޓުތައް ބުނާގޮތުން، ފިލްމީ ދާއިރާގައި ގިނަ ބައެއްގެ އިޙްތިރާމް ހޯދާފައިވާ މި ދެ ތަރިން އެކުގައި މަސައްކަތްކުރަނީ 'ވޯ ފިރް ކަބީ ދިކާ ނެހީ' ނަމަކަށް ކިޔާ މުޅިން އައު ޕްރޮޖެކްޓެއްގައެވެ.

މިއީ މިއުޒިކަލް ތްރިލަރ ޖޯންރާއަށް އުފައްދާ ފިލްމެކެވެ.

މިއުޒިކާއި ނޭވާ ހިފަހައްޓާލަންޖެހޭ ފަދަ ސިހުންގެނުވާ ހާދިސާތައް އެއްކޮށްލައިގެން އުފައްދާ މި ފިލްމަކީ ބެލުންތެރިންނަށް ވަރަށް ތަފާތު ތަޖުރިބާއަކަށް ވާނެކަމަށް ބެލެވެއެވެ. ނަވާޒުއްދީން ފަދަ ހުނަރުވެރި އެކްޓަރަކާއެކު ތިގްމާންޝޫގެ މޮޅު ޑައިރެކްޝަން ފެނިގެންދިއުމަކީ ސަޕޯޓަރުން ވަރަށް ބޮޑަށް އިންތިޒާރުކުރާނެ ކަމެކެވެ.

މީގެ ކުރިންވެސް މި ދެ ތަރިންވަނީ ކާމިޔާބު މަސައްކަތްތަކެއް އެކުގައި ކޮށްފައެވެ.

އެހެންކަމުން 'ވޯ ފިރް ކަބީ ދިކާ ނެހީ' ވެގެންދާނީ ބޮލީވުޑްގެ ތަފާތު ފިލްމުތަކަށް ލޯބިކުރާ ފަރާތްތަކަށް ވަރަށް ޚާއްޞަ ފިލްމަކަށެވެ.