މިދުވަސްވަރު ވިލިމާލޭ ގޮނޑުދޮށާއި މޫދަށްއެރޭ ސަރަހައްދުން، ގިނަ އަދަދަކަށް ޖެލީފިޝް (ބޮކިމަސް) ފެންނަމުން އެބަދެއެވެ.

އެންމެ ގިނައިން ޖެލީފިޝް ފެންނަމުންދަނީ، ވިލިމާލޭގައި ވޯޓަރސްޕޯޓްސް ހިންގާ ސަރަހައްދުގެ ގޮނޑޮދޮށާއި މޫދުންނެވެ.

އެހެންކަމުން، މޫދަށް އެރޭއިރު ވަރަށް ބޮޑަށް ސަމާލުވާންޖެހެއެވެ.

ޖެލީފިޝްއަކީ މީގެ ކުރިންވެސް މި ސަރަހައްދަށް ވަރަށް ގިނައިން ލައްގާ އެއްޗެކެވެ. ޚާއްޞަކޮށް މޫސުން ބަދަލުވާ ދުވަސްވަރު މިތަކެތި އޮއިވަރާއެކު ފަޅުފަޅަށާއި ގޮނޑުދޮށަށް ލައްގައެވެ.

ޖެލީފިޝްގެ ނުރައްކާ

• ކެހުމާއި ދިލަނެގުން: ގައިގައި ޖެހުމުން ގަދައަށް ކަހާ، ރަތްވެ، ދިލަނަގާނެއެވެ.
• ވިހަގަދަ ބާވަތްތައް: ރާއްޖޭގެ ބައެއް ސަރަޙައްދުތަކުން "ބްލޫ ބޮޓްލް" ނުވަތަ "ޕޯޗުގީޒް މޭން އޮފް ވޯ" ފަދަ ވިހަގަދަ ބާވަތްތައް ފެނިފައިވެއެވެ.
• މަރުވެފައި ހުއްޓަސް ނުރައްކާ: އެއްގަމަށް ލައްވާފައި ހުންނަ މަރުވެފައިވާ ޖެލީފިޝްގައި އަތްލުމަކީވެސް ނުރައްކާތެރި ކަމެކެވެ.

ރައްކާތެރިވުމުގެ ފިޔަވަޅުތައް

1. މޫދަށް އެރުމުގެ ކުރިން ބެލުން: ފެންގަނޑުގެ ތެރޭގައި ނުވަތަ ގޮނޑުދޮށުގައި ޖެލީފިޝް ހުރިތޯ ބަލާށެވެ.
2. ރާޝް ގާޑް ބޭނުންކުރުން: މޫދަށް އެރޭއިރު ހަށިގަނޑު ނިވާވާފަދަ ފަތާ ހެދުން (Rash guard) ލުމުން ރައްކާތެރިކަން ލިބެއެވެ.
3. ކުޑަކުދިންނަށް ބެލުން: ކުޑަކުދިން ގޮނޑުދޮށުގައި އުޅޭއިރު ލޮލަށް ނުފެންނަ ކުދި ޖެލީފިޝްގައި އަތްނުލާކަން ކަށަވަރުކުރާށެވެ.

ޖެލީފިޝްއެއް ގައިގައި ޖެހިއްޖެނަމަ ހަދާނީ ކިހިނެއް؟

• ކަނޑުފެނުން ދޮވުން: އެންމެ ފުރަތަމަ ޖެހުނު ތަން ކަނޑުފެނުން ރަނގަޅަށް ދޮވެލާށެވެ.
• މީރުފެން ނޭޅުން: އާދައިގެ ފެން (މީރުފެން) އެޅުމުން ވިހަ ގަދަވެ، ރިހުން ބޮޑުވެއެވެ.
• ވިނިގާ ބޭނުންކުރުން: އާދައިގެ ޖެލީފިޝްއެއް ނަމަ Vinegar އެޅުމުން ވިހަ ކެނޑެއެވެ. (ނަމަވެސް ބްލޫބޮޓްލް ނަމަ ހޫނުފެން ބޭނުންކުރާށެވެ).
• ލަސްނުކޮށް ޑޮކްޓަރަށް ދެއްކުން: ނޭވާލާން އުނދަގޫވުން ނުވަތަ މުޅި ގައިގައި ބިހިނެގުން ފަދަ އެލާޖިކް އަލާމާތެއް ފެނިއްޖެނަމަ ލަސްނުކޮށް ހޮސްޕިޓަލަށް ދައްކާށެވެ.