އިދިކޮޅު ޕީއެންސީގެ ރަނިންމޭޓު ހުސެއިން މުޙައްމަދު ލަތީފް (ސެމްބެ) ކެމްޕޭން ދަތުރުފުޅެއްގައި މިއަދު ހުވަދު އަތޮޅަށް ވަޑައިގެންފި އެވެ.

ސެމްބެ ހުވަދު އަތޮޅުގެ ބައެއް ރަށްތަކަށް ކުރައްވާ މި ދަތުރުފުޅުގައި ޕީޕީއެމް/ޕީއެންސީގެ ލީޑާޝިޕްގެ ބައެއް ބޭފުޅުން  ބައިވެރިވެވަޑައިގަންނަވައެވެ.

ސެމްބެ ހުވަދު އަތޮޅަށް ކުރައްވާ މި ދަތުރުފުޅުގައި އެންމެ ފުރަތަމަ ވަޑައިގެންނެވީ ގއ. ކަނޑުހުޅުދޫއަށެވެ. މި ދަތުރުގައި ސެމްބެގެ އުފަން ރަށް ގދ. ފަރެސްމާތޮޑާގައި ކެމްޕޭން ޖަލްސާއެއް ބޭއްވުމަށް ވަނީ ހަމަޖެހިފައެވެ.

މިރޭގެ ޖަލްސާއަށްފަހު މާދަމާވެސް ހުވަދުއަތޮޅުގެ ބައެއް ރަށްތަކަށް ސެމްބެ ވަޑައިގަންނަވާނެ އެވެ.