ޔަހޫދީން ހުއްޓުމެއްނެތި ޣައްޒާއަށް ދެމުންދާ ހަމަލާތަކުގައި މިއަދުގެ މިވަގުތާއި ހަމައަށް ޣައްޒާއިން 30 އަށްވުރެ ގިނަ މީހުން ޝަހީދުކޮށްލައިފި އެވެ.
އަލްޖަޒީރާއިން ޣައްޒާގެ ހެލްތު މިނިސްޓްރީއާއި ހަވާލާދީ ރިޕޯޓުކުރާގޮތުގައި މިއަދުގެ ފަތިހުން ފެށިގެން ޔަހޫދީން ޣައްޒާގެ އެކި ސަރަހައްދުތަކަށް ދެމުންދާ ހަމަލާތަކުގައި 38 މީހަކު ވަނީ ޝަހީދުކޮށްލާފައިވާ ކަމަށެވެ.
އޭގެ ތެރެއިން 28 މީހަކު ޝަހީދުކޮށްލާފައިވަނީ ޣައްޒާގެ މެދުތެރެއާއި ދެކުނުގެ ސަރަހައްދުތަކަށް ވައިގެ މަގުން ޔަހޫދީން ދިން ހަމަލާތަކުގައި ކަމަށް ވެސް ވަނީ ރިޕޯޓުކޮށްފައި އެވެ.
މިއަދުގެ ހަމަލާތަކުގައި ޝަހީދުވި މީހުންގެ ތެރޭގައި ދެ ކުޑަކުދިން ވެސް ހިމެނެއެވެ. ރިޕޯޓުތައް ބުނާގޮތުގައި އެދެކުދިންނަކީ ޔަހޫދީން މިއަދު ނުސީރަތުގެ ރެފިއުޖީ ކޭމްޕުގެ ޓެންޓުތަކަށް އަމާޒުކޮށް ދިން ހަމަލާއެއްގައި ޝަހީދުވި ދެކުދިންނެވެ.
ޔަހޫދީންގަ ހަމަލާތަކުގައި ޣައްޒާއިން ޝަހީދުވި މީހުންގެ އަދަދު މިހާރު ވަނީ 46,600 އަށްވުރެ މައްޗަށް އަރާފައި އެވެ.
ގުޅުންހުރި
ފާއިތުވި 24 ގަޑިއިރުގެ ތެރޭގައި ހައިހޫނުކަމުގައި ޣައްޒާއިން 11 މަރު!
ޔަހޫދީން ހަމަލާތައް ހުއްޓާނުލައިފި ނަމަ އިނގިރޭސިވިލާތުން ފަލަސްތީނު ދައުލަތް ރަސްމީކޮށް ބަލައިގަންނާނެކަން ހާމަކޮށްފި
ޣައްޒާއިން މިއަދު ޝަހީދުވި މީހުންގެ އަދަދު 100 އިން މައްޗަށް!
ޓްރަމްޕާއި ބައްދަލުކުރަން ފުރަމުން ނަތަންޔާހޫ ބުނީ ހަމާސް ނައްތާލާފައި ނޫނީ ޣައްޒާ ހަނގުރާމަ ހުއްޓާލަން އެއްބަސްނުވާނެ ކަމަށް!
ފަހުގެ
