ވޯޓަރ ސްޕޯޓްސް ދާއިރާ ކުރިއެރުވުމަށް މަޝްވަރާކޮށްފި

ރާއްޖޭގައި ވޯޓަރ ސްޕޯޓްސް ދާއިރާ ކުރިއެރުމަށް މޯލްޑިވިސް ނޭޝަނަލް ސްކިލްސް ޑިވެލޮޕްމަންޓް އޮތޯރިޓީއިން މަޝްވަރާކޮށްފި އެވެ.

އެމްއެންއެސްޑީއޭ އިން ބުނީ އެ އޮތޯރިޓީއާއި ނެކްސްޓް ގްރޫޕް ޕްރައިވެޓް ލިމިޓެޑް އިން ވަނީ ވޯޓަރ ސްޕޯޓްސް ދާއިރާ ކުރިއެރުވުމުގެ ގޮތުން ކުރެވިދާނެ މަސައްކަތްތަކާއި ގުޅޭ މަޝްވަރާ ބައްދަލުވުމެއް ބާއްވައިފައި ކަމަށެވެ.

މި ބައްދަލުވުމުގައި، ވޯޓަރ ސްޕޯޓްސް ދާއިރާއިން ޒުވާނުން ތަމްރީނުކުރުމާއި ، އެ ދާއިރާ އިން ޒުވާނުން ތަމްރީނުކުރާ މަރުކަޒުތަށް ރަޖިސްޓްރީކުރުމުގައި ސަމާލުކަން ދޭންޖެހޭ ކަންކަމުގެ އިތުރުން ނޭޝަނަލް އެޕްރެންޓިސްޝިޕް ޕްރޮގްރާމްތަށް ހިންގުމާއި ގުޅިގެން ވަނީ މަޝްވަރާކުރެވިފައެވެ.

ދިވެހިރާއްޖެއަށް މުޙިއްމު މިދަފަ ދާއިރާތަކުން ޒުވާނުން ބިނާކުރުމަށް މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާއި ބެހޭ ވުޒާރާގެ ފަރާތުން ދަނީ އެމްއެންއެސްޑީއޭގެ އެއްބާރުލުމާއެކު، ނޭޝަނަލް ކޮންޕިޓެންސީ ސްޓޭންޑަރޑް ތަކެއް އެކުލަވައިލުމާއި، ނޭޝަނަލް އެޕްރެންޓިސްޝިޕް އަދި ތަފާތު އެކި ވޯކްޝޮޕްތަށް ކުރިއަށްގެންދަމުންނެވެ.