އިނގިރޭސިވިލާތަށް ކުރެއްވި ނުރަސްމީ ދަތުރުފުޅު ނިންމަވައިލެއްވުމަށް ފަހު ރައީސް ޑރ މުހައްމަދު މުއިއްޒު ރާއްޖެ ވަޑައިގެންފި އެވެ.

ރައީސް މުއިއްޒުއާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު އިނގިރޭސިވިލާތަށް ފުރާވަޑައިގެންނެވި މިމަހުގެ 20 ވަނަ ދުވަހު އެވެ.

އެދަތުރުފުޅު ނިންމަވާލެއްވުމަށްފަހު ރައީސް މުއިއްޒު އާއި ފަސްޓް ލޭޑީ ރާއްޖެ ވަޑައިގެންނެވި މިއަދު ހަވީރު އެވެ.

ރައީސް އޮފީހުން މީގެ ކުރިން ބުނީ މި ދަތުރުފުޅުގައި، ރައީސުލްޖުމްހޫރިއްޔާ ކުރެއްވި އިދާރީ މަސައްކަތްޕުޅުތަކުގެ ޚަރަދާއި، ޢާއިލާއާއި އަމިއްލަފުޅު ކަންކަންވެސް ހިމެނޭގޮތުން، މުޅި ދަތުރުފުޅުގެ ހުރިހާ ޚަރަދެއްވެސް ކުރައްވާނީ ރައީސުލްޖުމްހޫރިއްޔާ އަމިއްލަފުޅަށް ކަމަށެވެ.