އިންޑިއާގެ ލެޖެންޑަރީ ލަވަކިޔުންތެރިޔާ، މަރުހޫމް ލަތާ މަންގޭޝްކަރްގެ 97 ވަނަ އުފަންދުވަހާ ގުޅިގެން، ބޮލީވުޑްގެ މަޝްހޫރު އެކްޓަރު ޖެކީ ޝްރޮފް އޭނާގެ ހަނދާންތައް އާކޮށްފިއެވެ.

ލަތާގެ އުފަންދުވަހުގެ މުނާސަބަތުގައި ސޯޝަލް މީޑިއާގައި ޕޯސްޓެއް ހިއްސާކުރަމުން ޖެކީ ބުނެފައިވަނީ، ލަތާޖީ އަކީ އަބަދުވެސް ހިތްތަކުގައި ދިރިހުންނާނެ ޝަޚްސިއްޔަތެއް ކަމަށެވެ.

ޖެކީ ވަނީ ލަތާގެ ޖާދުވީ އަޑުން މުޅި ދުނިޔެއަށް ދޫކޮށްދިޔަ މިއުޒިކީ ތަރިކައަށާއި އޭނާގެ މަޑުމައިތިރި މިޒާޖަށް އިހުތިރާމާއި ލޯބި އަދާކޮށްފައެވެ.

ލަތާ މަންގޭޝްކަރަކީ އިންޑިއާގެ މިއުޒިކީ ދުނިޔޭގައި އެތައް އަހަރެއް ވަންދެން ހިދުމަތްކޮށް، ގިނަ އެވޯޑުތަކަކާއި ޝަރަފުތަކެއް ހޯދާފައިވާ ތަރިއެކެވެ.

އޭނާގެ 97 ވަނަ އުފަންދުވަހާ ގުޅިގެން ފިލްމީ ދާއިރާގެ އެތައް ފަންނާނުންނަކާއި މިއުޒިކަށް ލޯބިކުރާ ގިނަ ބަޔަކު ދަނީ ސޯޝަލް މީޑިއާގައި އޭނާގެ ހަނދާންތައް އާކުރަމުންނެވެ.