ފުލުހުންނަށް ފަންނީ ތަމްރީނާއި ގާބިލުކަން އިތުރުކުރުމާއި ގުޅޭގޮތުން ބަންގްލަދޭޝާއި މަޝްވަރާކުރައްވައިފި އެވެ.

ފުލުހުން ބުނީ މި މަޝްވަރާކުރެއްވީ ބަންގްލަދޭޝް ސަރުކާރުން ދިވެހިރާއްޖެއަށް ކަނޑައަޅުއްވާފައި ހުންނަވާ ހައިކޮމިޝަނަރ، ޑރ. އެމް.ޑީ. ނަޒްމުލް އިސްލާމް، ކޮމިޝަނަރ އޮފް ޕޮލިސް އަޙްމަދު މުޙައްމަދުގެ އަރިހަށް މިއަދު ކުރެއްވި އިހުތިރާމުގެ ޒިޔާރަތުގައި ކަމަށެވެ.

މި ބައްދަލުވުމުގައި ވަނީ ދިވެހި ފުލުހުންގެ ޚިދުމަތުގެ މައި އިދާރާގައި ބޭއްވި މި ބައްދަލުކުރެއްވުމުގައި، ދިވެހިރާއްޖެއާއި ބަންގްލަދޭޝްއާ ދެމެދު އޮތް ޒަމާންވީ ގާތް ގުޅުމާއި ދެ ގައުމުގެ ދެމެދުގައި އޮތް އެއްބާރުލުން ކޮމިޝަނަރ ފާހަގަކުރައްވާފަ އެވެ.

މީގެއިތުރުން ފުލުހުން ބުނީ ދެ ގައުމުގެ ފުލުހުންގެ މުއައްސަސާގެ ދެމެދުގައި އޮތް ގުޅުން އިތުރަށް ހަރުދަނާކުރުމާ ގުޅޭގޮތުންނާއި، ހާއްސަކޮށް ބަންގްލަދޭޝް މެދުވެރިކޮށް ދިވެހި ފުލުހުންނަށް ފަންނީ ތަމްރީނާއި ގާބިލުކަން އިތުރުކުރުމުގެ ފުރުސަތުތައް ފަހިކުރުމާ ގުޅޭގޮތުން ދެ ބޭފުޅުން މަޝްވަރާކުރައްވާފައިވާ ކަމަށެވެ.