ސަންޖޭ ލީލާ ބަންސާލީގެ ކުރިއަށް އޮތް ބޮޑު ފިލްމު "ލަވް އެންޑް ވޯ" އިން ވިކީ ކޯޝަލް ފެނިގެންދާނެ ގޮތުގެ ފުރަތަމަ ލުކް އާންމުކޮށްފިއެވެ.

މި ފިލްމުގައި ރަންބީރު ކަޕޫރުގެ ފަސްޓް ލުކް އާންމުކުރުމަށްފަހު، މިހާރު ވަނީ ވިކީގެ ވަރަށް ވަރުގަދަ އަދި ތަފާތު ސިފައެއް ފެންނަ ޕޯސްޓަރު ދައްކާލާފައެވެ.

މި ޕޯސްޓަރުން ވިކީގެ ކެރެކްޓަރގެ ބާރުގަދަކަމާއި ޖޯޝް ވަރަށް ފުރިހަމައަށް ފެނިގެންދެއެވެ.

ރަންބީރު ކަޕޫރާއި ވިކީ ކޯޝަލްގެ އިތުރުން އާލިއާ ބަޓް ލީޑް ރޯލުން ފެނިގެންދާ މި ފިލްމަކީ ގިނަ ބަޔަކު ވަރަށް ބޮޑަށް އިންތިޒާރުކުރަމުން އަންނަ ފިލްމެކެވެ.

އަދި މިއީ ވިކީ ކޯޝަލް، ބަންސާލީގެ ފިލްމަކުން ފެނިގެންދާ ފުރަތަމަ ފަހަރުވެސް މެއެވެ.

ދުނިޔޭގެ އެކި ކަންކޮޅުތަކުގައި "ލަވް އެންޑް ވޯ" ސިނަމާތަކުގައި އެޅުވުމަށް ހަމަޖެހިފައިވަނީ 21 ޖެނުއަރީ 2027 ގައެވެ.