އައްޑޫ ސިޓީގައި ކޮވިޑަށް ފަރުވާހޯދަމުން ދިޔަ އުމުރުން ދުވަސްވީ މީހަކު ނިޔާވެއްޖެ އެވެ.

ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ދެންމެ ބުނީ، ކޮވިޑް ޖެހިގެން އައްޑޫ އިކުއެޓޯރިއަލް ހޮސްޕިޓަލްގައި އެނދުމަތި ކޮށްގެން ފަރުވާ ދެމުން ދިޔަ އުމުރުން 90 އަހަރުގެ ދިވެހި ފިރިހެނަކު ނިޔާވެފައިވާ ކަމަށެވެ.

އެމީހާ ނިޔާވެފައިވަނީ މިއަދު ހެނދުނު 8:50 ގައި ކަމަށް އެޗްޕީއޭއިން ވަނީ ބުނެފައެވެ.

ކޮވިޑް ބަލީގައި އައްޑޫން މީހަކު ނިޔާވުމާއި އެކީ މުޅި ރާއްޖޭން ކޮވިޑް ބަލީގައި ނިޔާވި މީހުންގެ އަދަދު ވަނީ 291 އަށް އަރާފައެވެ.