ރައީސުލްޖުމްހޫރިއްޔާ އިބްރާހީމް މުހައްމަދު ސާލިހާއި އަނބިކަނބަލުން ފަޒްނާ އަހްމަދު ސިންގަޕޫރަށް ކުރެއްވި ނުރަސްމީ ދަތުރުފުޅު ނިންމަވާލައްވާ، މާލެ ވަޑައިގެންފިއެވެ.

ރައީސް ސޯލިހްގެ ދެކަނބަލުން ސިންގަޕޫރަށް ވަޑައިގެންނެވީ މިމަހު 10 ވަނަ ދުވަހުއެވެ.

ފަސް ދުވަހުގެ ދަތުރުފުޅެއްގައި ދެކަނބަލުން ސިންގަޕޫރަށް ވަޑައިގެންނެވީ ކޮން ކަމެއްގައިކަން ރައީސް އޮފީހުން ހާމަކޮށްފައެއް ނުވެއެވެ.

ރައީސް ސޯލިހްގެ ދެކަނބަލުން ސިންގަޕޫރަށް ކުރެއްވި ނުރަސްމީ ދަތުރުފުޅު ނިންމަވާލައްވާ ރާއްޖެވަޑައިގެންނެވިއިރު، އެމަނިކުފާނު ވަނީ މި ހަފްތާ ބަންދުގައި ޅަވިޔަނި އަތޮޅުގެ ހަ ރަށަކަށް ވަޑައިގަންނަވަން ހަމަޖެހިފައެވެ.